食物:$$$$
環境:$$$$
服務:$$$$
筆者又跟幾位東涌友,前來天際萬豪食午餐。
對東涌的朋友而言,來這裡飲茶實在方便,因在東涌地鐵站旁,便有免費穿梭巴士前去酒店。
被安排坐靠窗的位置,面對著倘大的落地玻璃窗,「陽光勃勃」的日子,感覺寧舍舒適。
那些年 |
是日我們專攻的,是懷舊菜色。畢竟到了咁上下年紀,自會喜歡想當年。
由點心開始,懷舊點心的代表,有膽固醇超標的豬潤燒賣、舊式唐餅店有賣的皮蛋酥,以及現在又多番少少地方有得食既蛋煎糯米雞。
皮蛋酥鬆化而不太甜,味道好,個子沒傳統的那麼大,可以讓我多試幾款其他東西;糯米雞煎得香口,不過好飽肚;最喜歡的,始終是豬潤燒賣,膽固醇萬歲!
間唔使都想回味下金錢雞,這裡的出得好在叉燒鬆化,冰肉甘香,懶理佢超標,連吞兩件才肯收手。
中意食懷舊嘢,因為大多是比較邪惡,如再來的花生蓮藕炆腩仔,腩肉肥瘦布致,頂頭震騰騰,甘香可口,更有份圍村氣息。
還有砵仔鴨,鴨肉超軟腍,又入味,芋頭粉嫩,不是配角,即使已很飽,也要吃兩件。
食左咁多肥膩嘢,點都要有個菜去平衡下,至少心理上會好過一點。來客鮮竹豬肚鮑魚浸時蔬,沒那麼寡。
單尾的八寶瓜粒湯飯,在炎炎夏日加上飽到上心口的一刻,有碗濕濕地的湯飯,是很好的安排。同埋,個湯頭真的清甜好吃,很欣賞。
最後,多謝大家安排的「有造型」壽包,據知四眼仔的那隻是我,巧打耳,好味道,很開心。
上次黎唔到, 唯有星期四食餐勁!!!
回覆刪除Enjoy
刪除哈哈,四眼仔造型超有心思呀!
回覆刪除似我嗎? 哈哈~
刪除做乜唔放埋張手錶硬照~
回覆刪除