2016年7月2日 星期六

龍皇 - 稍稍披上皇金甲



食物:$$$
環境:$$$1/2
服務:$$$

(相片以手機拍攝,不碪入目,請見諒!)

人愈大,朋友愈少,尤其是真心的朋友,寥寥無幾。

人生最快樂的階段,很可能是打波嗰幾年,真懷念細個同大家一齊練波的日子。

當年的戰友,各有發展,有些移居外國,更多的是成為專業人士部份已有兒有女,亦有繼續教波的……

好難得,可以相約幾位先進組老朋友,齊齊聚一聚,夜晚真係期待到瞓唔著。

大家原商議好去灣仔的唐宮壹號飲茶,可是致電訂位時,被告知回歸當日,店子將轉為龍皇。

反正只志在聚舊費事再諗地方,龍皇就龍皇吧!
 
假期, 好多人



首日易手/ 唔知會唔會亂涼菜、點心、燒味,以及甜品,每樣點些少,全面地看看各部門師傅的功力。

 
毫無酒香

冷盤點選了醉雞,甩皮甩骨,賣相麻麻,雞肉雖不嚡口吃起來卻有欠酒香,不合格,落筆打三更。

 
軟腍

小食試試鮑汁鳳爪,呢個又幾腍幾好味喎,估佢唔到。

 
得獎點心

猶記得第一次食燒汁煎包,是在龍皇的油麻地總店 (已結業),當時熱呼呼的以石鍋拿出來,味道更是驚為天人。多年後的今天,賣相仍是差不多,包身依舊軟熟,不會煎得過份乾,咬落有汁,但總沒有首嚐時的感覺。

 
真有玫瑰味

豆沙玫瑰包,印象中是以往唐宮的出品,外表都算似模似樣。包身是實了一點,但也保留一些玫瑰香,普普通通啦!

 
名物

燒味方面,是吃過無數次的冰燒三層肉,皮脆,肉不韌,可惜是凍冰冰的。

 
有意思

甜品,不如來些有造型的? 冰涼西瓜糕,正正是做到似西瓜咁款,籽都有的,而吃起來,又真係好有西瓜味,大家都覺得好得意。

席上得知有人快要移居澳……

希望快些可以再聚,說好了,下次去食日本嘢~~

餐廳資料:
龍皇
灣仔皇后大道東183號合和中心8樓
2180 6532

4 則留言: