2016年6月19日 星期日

Urban Coffee Roaster - 個性小店有驚喜



食物:$$$1/2
環境:$$$1/2
服務:$$$1/2

除了每月一次的辣局,偶爾也會相約圍內的朋友,來個小聚。好隨意食乜嘢都得。

剛過去的快樂星期五,是三人的約會。

今次由我揀地方,未知為何,總是向Café或者西餐廳方面去想,或許是平時吃得多川辣。

首選的西餐廳,早兩天致電訂座也爆滿,只剩下露天位置。大熱天時,恐怕會溶掉,另覓他選。

挑中了在碧仙桃路的Urban Coffee Roaster

咁有詩意既街道,連職都唔知係邊。其實就是在Holiday Inn後面的橫街仔,你同我都會到過。

    
有個性


頗有格調的一間咖啡室,我,就是喜歡!

 
超正

大家有商有量,揀定食物。先來薯條,即叫即炸,香脆熱辣,小心燙口。薯條本己好食,重點更落在黑松露蛋黃醬之上,沾一沾,層次暴升得快過樓價,認真停唔到口。

 
流心蛋更好

焗大磨菇到著,賣相吸引。爽口的磨菇,連同芝士、蒜片及蛋一起去焗,出來時自會香噴噴,若蛋黃可以無咁熟,做到流心效果,定必更精彩。

 
麻麻地

Carbonara大概是我們必會點的項目,外型似模似樣,但吃起來有點偏油呢!最累事還是煙肉粒。

 
幾好

由於在座有人唔食牛,那不如點份辣雞?? 是兩隻雞髀,底下墊了蕃茄粒及黎麥等東西。始終是髀位,肉質總不會嚡口,辣勁適可而止,也吃得過。

 
創新

預先訂座,會贈送一客甜品 (但會收取該份甜品的加一費用),是晚的咖啡煮梨。幾特別,紅酒煮梨食得多,咖啡煮還是第一次吃。可惜,梨子煮得未夠腍身,咖啡味亦只是象徵式,內裡釀入一球雪糕,好可是我的問,但早己溶了。

 
好食

再來一份香蕉蛋糕,很香很軟熟,面頭擺了「焦糖化」的香蕉,外表也真不錯。

 
圓滿

呷一口Latte,又是圓滿的一夜。



餐廳資料:
Urban Coffee Roaster
尖沙咀碧仙桃路7號美麗都大廈地下44號舖
2363 3661

5 則留言: