2016年6月9日 星期四

秋櫻屋 - 驚喜小發現



食物:$$$1/2
環境:$$$1/2
服務:$$$1/2

我份人好衰,好懶約朋友出來食飯聚會,若大家不找我的話,可能一年半載都唔會碰到面。

這樣,純顯示筆者超懶,或者係好忙咁扮緊忙但並不代表我唔重視各位,相信真認識我的朋友都會明白。

瑪姬,是深明此道的朋友之一,所以久唔久,佢就會Whatsapp下我,睇下我屎得未,未屎既話便出來齊齊食餐飯。

早幾日,又收到她的短訊,結果,又出來飯聚。

說了許多次地鐵西營盤通車後,要多去那邊搵食。既她又是地膽,就由佢負責找今次飯聚地點。

幾分鐘後,再收到訊息,是秋櫻屋既資料。

地鐵一出就見到,好方便。她補充。

   

百幾蚊貨仔


翻開餐牌,定食全是百幾蚊,已包餐湯、沙律、主菜及飲品。個別的套餐,更包一件小Pancake。好划算!

 
好開始

沒多久,沙律及餐湯便送上。沙律幾清新,忌廉湯亦不會稀稀的,收貨。

 
淡口

對方既主菜,帶子只得兩粒,留番俾佢;三文魚幾大件,可以搶一些來吃,只是,味道稍為淡口。

 
厚身又鬆化

我是挑中了紅酒燴牛舌。先試醬汁合格牛脷兩件是超級的厚身,卻十分之鬆化,對口胃。旁邊的薯條、西蘭花同埋小半枝粟米,我也沒有錯過。的確,我既選擇,較為明智。

 
果然好吃

收起碟子,店員奉上班戟,賣相雖平平無奇,但熱暖的,外微脆內軟熟,塗上牛油,以及糖漿,香甜好吃,果然是招牌菜。下次,要散點些有花款的。

 
唔錯喎~

想不到,咖啡也高層次。


餐廳資料:
秋櫻屋
半山般咸道64號嘉麗苑地下2號舖
2517 7122

7 則留言: