2016年6月6日 星期一

夏麵館 (荃灣店) - 重新振作??



食物:$$$
環境:$$$$
服務:$$$1/2

阿妹話想食麵,造就我找到籍口,去食上海嘢,都話筆者是滬菜控啦!

不如去試下新開間夏麵館?? 我說。

無錯,夏麵館近期在荃灣開了分店。這個品牌,曾經輝煌過,曾經是我的心頭好,不過之後一落千丈,幾乎消聲匿跡。如今捲土重來,能否重新振作,給予我驚喜?

週六的晚上近九時,仍要等位…… 三分鐘咁多啦!

     
旺場


人山人海,竟被安排到坐靠窗的卡座,發達了~

利申我們不是一篤痰,又不是議員,茅特權的。

 
似樣喎

冷盤的烤夫軟熟入味,木耳爽口,唔通真係回復昔日水準? 我暗喜。

 
可接受

再試試小籠包,賣相算合格,至少不會東歪西倒。皮不是太厚,又有點湯汁,未到頂班,仍可以收貨。

 
唔入味

再來是兩款麵食,均是我喜分別是上海粗炒,及擔擔麵。粗炒上晒色,睇嚟唔錯,但一放入口,唔熱既,而且又唔入味,大失所望。

 
湯底欠層次

希望擔擔麵會好一點吧!已盡快食,可是麵質仍太腍,湯底只得辣味,欠缺麻醬的香氣,層次感薄弱。

看來,仍未回復當年水平。


餐廳資料:
夏麵館
荃灣沙咀道328號寶石大廈地下12-15號舖
2448 3608

8 則留言:

  1. 我記得以前返嚟都有幫襯過荃灣店(可能係舊舖,旁邊有先施),而且仲係午市未開,門口已經有條隊等位!

    回覆刪除
  2. 寶石大廈D舖轉完又轉,間間都做唔長!!

    回覆刪除
  3. 舊店支持者,打算去試,結果員工態度勁差,訂左位要我早一個鐘去拎位都算,去到話剩係可以俾一半位我,嬲到爆!不知所謂!唔通成家人一半食一半企門外望住呀

    回覆刪除
  4. 舊店支持者,打算去試,結果員工態度勁差,訂左位要我早一個鐘去拎位都算,去到話剩係可以俾一半位我,嬲到爆!不知所謂!唔通成家人一半食一半企門外望住呀

    回覆刪除