2016年5月22日 星期日

Mum's not home - 可以作反了嗎?



食物:$$$
環境:$$$1/2
服務:$$$

根據非正式統計,百分之九十九既廢青,也遇過要搵地方Hea (或者做嘢啦!)既日子,包括我。

我許多時會去連鎖咖啡店打躉,買杯咖啡,打開電腦,一坐就是一兩個小時。

然而,連鎖咖啡店愈來愈多人,尤其在旺角區要找個位置坐底,也不是話咁易。好在,有車媽媽指點迷津,帶我去了一個很好Hea的地方。

   
勁多人


是樓上Café,店子名叫Mum’s not home,不過,筆者到訪當日,店主的媽媽仍有在店幫手,大概是因為太旺場的關係吧!

 
咩秘密?

各人先點杯飲品,慢慢再傾。車媽媽所揀選的,係藍人的秘密,呢兜藍色的東西,不難想像是藍蝶花在作弄。

 
變紫, 得左!

加入青檸汁,整兜飲品,會頓時變成紫色,合晒車媽媽心意。呷了一口,味道淡口,只略略滲出酸味來。

 
有菠蘿及薏米

波依菠蘿咪…… 筆者的那兜,官方名字其實係菠蘿咪,內裡是新鮮菠蘿粒,以及薏米。味道同是偏淡口,但吃埋菠蘿與薏米,感覺頗清新。

 
OK喎!

傾傾下,不如叫件Cake大家些牙? 即管點一件車媽媽沒嚐過的紫青仙蛋,是紫薯與抹茶芝士蛋糕的混合體,呢個成份組合,呃like無難度,只係我曾經懷疑,味道是否夾得來。原來,我又是杞人憂天。

無疑,這是一個好Hea既地方。


餐廳資料:
 Mum's not home
油麻地上海街302號1樓
97705760

7 則留言: