2016年5月12日 星期四

星河餐廳 - 誘人焗豬



食物:$$$1/2
環境:$$$
服務:$$$1/2

同大家探討下焗豬扒飯。

不知何時開始豬扒二字,成為貶低女性的詞語。話你豬扒,即係話你樣衰,八九成無人要。其實,豬扒有咩唔好?

作為不折不扣的食肉獸,許多時候也會心思思想食焗豬,各位有心水地方推介嗎?

說我水平低也好,筆者認為三大快餐的焗豬,是合格的,而且出品穩定,總能成為我食快餐時的穩陣之選。

另外,在筆者長大的深水埗區還有一間舊式餐廳,叫星河,她的焗豬扒飯,也很合我心。

   
舊式


不要以為餐廳位於橫街,便生意麻麻,中午十二點打後,瞬間成為麻甩集中地,一位難求。

 
足料

午餐其實好便宜,四十蚊有找,己跟埋餐湯與飲品。不過,筆者的心水,始終是焗豬。

可選羅宋湯或者忌廉湯,我要紅湯。端上來時的煙,証明溫度足,己羸了一半。加上夠酸,勁多料,完全是舊式餐廳的典型出品,有番咁上下年紀的朋大概會明白,不俗。

 
唔錯既焗豬

焗豬扒飯,是即叫即做,製作需時。蛋炒飯底是必然的事,配合酸酸甜甜的茄汁醒胃若可放多些蛋絲炒乾身一點,更正斗。豬扒已切好雖不太厚身卻連骨,帶點點焦燶入口鬆化質感不會假仍是好東西。

 
不是我杯啡

這裡的熱咖啡,反而不太對口味,下次飲檸茶算了。

星河,除了有一個痴線傻婆,仲有美味的焗豬,值得我去打躉。


餐廳資料:
星河餐廳
深水埗大南街374號
2728 8371

4 則留言:

  1. 我小時候係大家樂焗豬嘅忠心粉絲,可惜去到LA就再食唔返嗰種味道,慢慢就好少食啦!

    回覆刪除