Instagram

2016年1月19日 星期二

新店速遞:大南五十二 - 樂聚在大南




食物:$$$1/2
環境:$$$
服務:$$$1/2

以往大南街、基隆街,鬼影都唔多隻,係度開食肆,除非個鋪位係你自己既,否則,九四一三。

隨著旺區的租金狂颷,非凡人可以頂得住,想創業搞食肆的朋友,若不是富二代的話,只有兩個方法:要嘛就向上發展,找些工廠區的樓上位置;要嘛就靠邊站,找一些荒蕪的地方。

因此,今天的大南街,與及基隆街,存在不少餐廳食肆,漸漸地成為食街,晚上消夜的好去處。

麻甩餐廳以外,大南街近月開了間日本餐廳,以街號名命,大南五十二。
 

飲杯

是晚,與朋友把酒言歡,只可惜CEO抱恙,與文廸未能前來,否則應該會更為盡興。下次啦!

佐酒佳品
先來小食,豬肝,據云來自日本,我還是首次品嚐,是佐酒良品。
 
好靚~

咩都唔使講,再整碟刺身拼盤。赤貝、帶子、大拖羅與牡丹蝦,砌得靚靚的,放上網,呃Like無難度。呢碟嘢,一隻字可以形容晒,就是鮮!新鮮,味鮮,好很堅!
 
好鮮美

有刺身,茅理由無壽司,來幾款特色一點的,咪下下都係三文魚。牛油果鰻魚壽司,只聽到Chloe妹妹不斷在叫:「我想要喎!」。海膽壽司,來自北海道,質素可想而知。油甘魚壽司,擰些少青寧汁,引出鮮味。
 
推介

也來點串燒,先有我喜歡的牛舌,口感最好。再者,試試店自慢的免治雞肉黑蒜丸,入口鬆化之餘,果真滲出陣陣黑蒜的甜味,蠻特別,值得推介。
 
唔怕韌

繼續來些配酒的東西,魷魚一夜鮮,很香口,不會像吃橡皮圈。
 
大隻

還有燒雞翼,又幾大隻,皮香肉嫩,用手拿起來齒,痛快!
 
好飽肚

怕唔夠飽,每人再來件香噴噴的燒飯糰,保証抱住肚子回家。而我,只能清掉一半啦!

也有甜點
 
一味燒富士山蘋果,作為我們的甜點。

大滿足

最後,還有YAN帶來的皇帝批,進一步滿足甜胃。
 
餐廳資料:
大南五十二
太子大南街52號地舖
3709 2650

6 則留言: