2015年10月11日 星期日

LIS Cafe - 蟹痴請留意!



食物:$$$1/2
環境:$$$1/2
服務:$$$1/2

今年,有個新現象。好鬼多酒店推出大閘蟹自助餐,食到你唔食為止。

收到可靠的消息,曾經有人,吃了十九隻大閘蟹,刷新了紀錄。

恭喜晒呢位人兄!換著俾我,可能已經當場暴斃~

講番任食蟹,要提提如心南灣海景酒店的LIS Café , 因為佢既有大閘蟹,仲有麵包蟹、薑蔥蟹、焗蟹蓋,同埋蟹腳等等,各位蟹痴請留意!

正~

凍海鮮往往是自助餐最旺場的一區,這裡有齊鮮甜的蟹腳、花甲、青口,以及熟蝦等,海鮮迷應該滿意。當然,如果你是為生蠔而吃自助餐的人,唔好意思,呢度唔適合你。
 
最愛Cold Cut
再到冷盤區睇睇,除了沙律外,水牛芝士蕃茄,煙三文魚和冷麵等,筆者都沒有錯過。肯定更唔少得我喜歡的Cold Cut啦!
 
熱葷有水準
個人認為,這兒的熱葷也很多有準,如紅酒牛尾做得鬆化入味,蒸魚沒有過火,咖喱夠惹味,酸酸甜甜的鎮江骨,更教人吃不停口。
 
好多蟹類食品
說到主角的蟹,大閘蟹任你食,已經夠邪惡,不過始終未係時候。還有惹味的薑蔥蟹,焗得香噴噴的黑松露蟹蓋,西式一點的地中海汁煮麵包蟹,輕易填飽肚子的蟹肉伊麵,諸如此類,每樣吃些少,足以超標。
 
唔會太乾
係呢度,唔會見到燒牛肉,取而代之就是燒排骨,肉質鬆化,於我這食肉獸而言,多吃兩件也可。
 
清新
甜品也是一大賣點。中式的蛋散香甜,合桃酥鬆化;西式的布朗尼濃郁,芝士蛋糕滿載芝味,還有清新的芒果布甸,斑蘭椰汁布甸,都幾好吃。
 
濃郁
雪糕是選用Movenpick,質素無庸置疑。


餐廳資料:
LIS Cafe
香港仔黃竹坑道55號如心南灣海景酒店P3
3968 8833

6 則留言: