2015年10月7日 星期三

Imasa - 半島的瘋狂午餐



食物:$$$$
環境:$$$$
服務:$$$$

我份人,有時都幾瘋狂。

話說,本來同老豆落樓下茶餐廳食早餐,誰知幾間都全院滿座,唯有走遠些去另一家,結果過了兩分鐘,冇得食。火滾,即刻Call埋老媽子,一齊去半島,食lunch

Whatsapp Jack少,留張檯,出發!

來到Imasa,吃什麼當然不須煩惱,由Jack少安排便可。佢辦事,從來沒有失手,我完全地放心。

清甜

先飲杯果汁,老豆老媽子揀蕃茄汁,是北海道的,佢哋話正到爆。而我的一杯蜜瓜汁,同樣是清甜到極。
 
開場
Welcome Food送來,賣相一如以往的精緻。豆腐蟹腳,簡單直接清新;喜歡三文魚籽的爆汁與咸鮮,原來跟蘿蔔茸也合得來;鮑魚軟腍,卻很入味;再吃少少菠菜,好。
 
頗厚身
三款刺身,共六件,頗厚身。由爽口的白身魚開始,至到完成肥美的三文魚,已經飽了一半。
 
唯一要挑剔的
當然不會就咁完結,好戲還在後頭。一如所料,大大盆豐富又精美的定食上桌,今次又肯定會飽得爆肚離開。茶碗蒸依舊夠熱又滑,富蛋香。Jack少為我挑的是牛肉和龍蝦,所以湯也是以龍蝦殼去餚,唔會輸得去邊。至於龍蝦肉,輕煎過,很香口,只是龍蝦肉稍稍未夠彈牙,是唯一要挑剔的地方。
 
入口溶化
和牛卷就真係一流,入口溶化,又不失香口,連同炸蒜片一起放入口,超好吃的說,雖然已很飽,但四件很快便被我清掉,更加想Encore
 
又滑又香
試了少許老媽子的鱈魚,魚皮香口,肉質自不然是十級嫩滑,充斥油脂香,佐以圓潤軟熟的米飯,也是高水準。
 
清晒
吃過龍蝦和牛肉,燒青辣椒、紅椒、南瓜和翠肉瓜等爽口健康的東西,我是不會抗拒的。
 
香濃
餐後甜品,係紫薯雪糕,味道絕不會假,紫薯味濃甜,足料,與坊間的出品,冇得比。
 
每天一杯
縱然是假日,一杯香濃的半島咖啡,少不了!

我,很瘋狂嗎?




餐廳資料:
Imasa
尖沙咀彌敦道19-21號半島酒店1樓
2696 6715

5 則留言: