The Country Club - 遠離繁囂

食物：$$$$

環境：$$$$

服務：$$$$

有緊要事要傾，內容機密，為免隔牆有耳，要找個絕對安全的地方。

同事是康樂園會所的會員，索性來到行嚴格會員制的The Country Club，開個午餐會議，一定唔會撞到唔應該見既人。

其實，在公司驅車前來，十分鐘也不用，相當方便。

安靜嘆番餐

這類會所，預左佢唔會好多客，如這天就只得三數檯，在這裡靜靜嘆個午餐又好，傾國家機密也好，都是很合適的。

 

鬆化

跟呢位同事食嘢，都幾夾，因為大家都係食肉獸，尤其是牛，幾乎是必然之選。因此，縱然食物款式唔少，佢仍是點了一份西冷，而我則來一客牛柳，Medium Rare。

看看色水，火候控制相信亦到家。我嚐的牛柳，肉質比西冷自會更為軟腍，當然肉味是相對沒那麼濃郁，但已令人滿意。炸薯條新鮮熱辣好吃，可競逐最佳配角獎，而伴碟的各式菜蔬，我也完全清掉。

 

皮脆肉嫩

除了每人一份扒之外，亦再多點一隻春雞，超誇張。雖然春雞不會很巨大，不過兩條友要將之消滅，總有一定難度。幸而，這出品的水準蠻高，皮薄而脆，肉質嫩滑，即使是雞胸的位置，亦沒半點嚡口的感覺。慢慢邊食邊傾，不經不覺竟然可以完成大部份，成績總算唔錯。

 

皮有點黏牙

樓上是中菜廳，不過大家都應該知道，這類會所，是頗具彈性的，要在西餐廳食樓上的點心，無問題。

就蝦餃、燒賣各一籠，前者蝦肉爽口，只嫌澄麵皮有點黏牙。燒賣反而不俗，粒粒企身又飽滿，豬肉餡不會過肥，吃得過。

 

香濃

飯後，當然要有杯香濃的熱咖啡，充充電，下午才有精神繼續搏殺。

喝光咖啡，到處逛逛，呼吸下新鮮空氣，清晰下思維，再返回戰線。

餐廳資料:

The Country Club

大埔康樂園中心徑八號

2657 8899