2015年1月29日 星期四

稻菊日本餐廳 - 鐵板上的舞台



食物:$$$$
環境:$$$$
服務:$$$1/2

禮拜六,無節目,原本打算睡到自然醒,跟住去茶記食自己,享受懶人生活。

怎料,老媽子有約,叫我同老豆兩個食。既然這樣,就食好DD

有諗過去飲茶,有想到吃西餐,甚至沾點韓風…… Finally, 走左去食鐵板燒。

來到了稻菊

不想過海,那選擇就收窄了很多,在我心目中,大概是海賀和稻菊之間。不如先致電去稻菊問問? OK, 成事了。
 
做好準備
老豆與我,分別點了海鮮套餐,以及鵝肝、大蝦、牛肉薄燒套餐,可以分吃。首先奉上沙律,各款沙律菜新鮮,車厘茄超多汁和清甜,伴以醒胃的醬汁,我準備好了!
 
普普通通
老豆個餐,有刺身,油甘和三文魚,我各試了一件,未算很驚艷,但也一定合格有餘。
 
好豐富
再上,有三文魚扒和大蝦,大蝦肉質爽脆彈牙,蝦頭更是焦點所在,香脆多羔,甘香無比,幾乎連殼也可以吃掉。沒試對方的三文魚扒,但看色澤和香氣,應該對辦,據說火侯控制到家。
 
稍欠鮮味
還有帶子,個人認為可以煎得再香口一點。加之,帶子本身沒什麼味道,多是靠外來的汁醬去提味。
 
嫩口
師傅問牛肉要幾熟,我就梗係話生一點無妨。看見師傅三兩下手勢,牛肉薄燒已放在我眼前。嫩滑的牛肉,肉味濃郁,連同蒜香和蔥香,好吃得教人停不了口。老豆又是不吃牛之士,我唯有蝕底啲,清晒佢。
 
巧正喔!
再來,就是鵝肝配多士,甘香、入口溶化的鵝肝,放在香脆的多士之上,大口吃下,令人有慾仙慾死的感覺,真係巧正!
 
有水準
又牛肉又鵝肝,確實係幾漏,不過接下來的炒飯,有牛粒有蛋香又蒜又有蔥,炒得乾身而不油膩,亦相當好吃。看老爸邊夾著野菜,邊食飯,最後吃得一粒不剩,已知其水準。
 
循例呷一口
十成十的飽,只循例呷了幾口麵豉湯,叫做參與過。
 
超飽

差不多尾聲,悠悠閒閒的食埋火龍果,以及西瓜,十一成飽的離開。


餐廳資料:
稻菊日本餐廳
尖沙咀麼地道69號帝苑酒店1樓
2733 2933

6 則留言: