2015年1月15日 星期四

海外篇:我,還會再去這地方嗎?



筆者明白到,廿幾歲的朋友會講履歷,三十幾至五十的會講遊歷,六十打後就是講病歷。那麼,大家應該知道我是那個年齡層了吧!

老友聚頭,話題總離不開飲食,同埋旅遊。我Blog餐餐都講食,大家可能睇得有點厭,今次不如講下玩樂?

曾經有人問我,去得最多係邊個國家。毫無疑問,是新加坡,不論在公在私,對這個地方亦結下了不解緣。

新加坡? 幾悶架喎! 我想,總不至於完全無嘢好玩,去三幾天旅行,行下食下,還是可以的。隨意噏幾個地方/ 玩意吧!

好中意呢架車

1.      Ducktours
呢架鴨仔車真係好正,外形得意,既可以在陸地行走,也可以在海上航行,帶你參觀新加坡市中心的各大小景點。
 
我愛睇獅子老虎大笨象啦~
2.      Singapore Zoo
筆者就是喜歡動物。不管是朋友家中的寵物,抑或是動物園的獅子老虎大笨象,我都愛。所以,我去四川,會去睇熊貓;去星洲,也會參選動物園。找回這幅照片,令我記起去年國內一女士在動物園指手畫腳的引老虎,卻不小心把手袋掉進虎山外圍的河中,被老虎叼走。據稱手袋內有幾十萬欠單,如果是真的話,Sorry,我就好心涼囉!
 
夜晚都要睇
3.      Night Safari
日頭睇動物,晚上又睇動物。不過,晚上坐在園內的專車,仔細探索野生動物的行縱,又是另一番滋味。
 
落埋水底
4.      Underwater World
都話我好鍾意動物,海陸空皆是。因此,這「水底世界」也是我是編排的行程之一。雖然,很多人說這裡其實比不上香港的海洋公園。
 
有點似威尼斯人
5.      Casino
這裡跟澳門的威尼斯人差不多,而且同樣有賭場,喜歡玩兩手的,可以去碰碰運氣,但我仍未有見識過,我寧願留多點時間,多吃一兩間餐廳食肆。

若然大家要安排行程的話,不妨參考下。
 
會再來嗎?

而我,還會再來這地方嗎?

10 則留言:

  1. 我會架, 新加坡好適合小朋友去呀!!! :D

    回覆刪除
  2. 會吖!會吖!

    好鍾意嗰種east meets west嘅感覺呀!

    回覆刪除
    回覆
    1. 唔知我地有冇機會一齊去旅行呢?

      刪除
    2. 我都想架,就算近近地去台北/新加坡同大家一齊食下、玩下,實好開心jack!

      刪除
  3. 人在異鄉就已夠放鬆懶理在何方haha~

    回覆刪除