食物:$$$$
環境:$$$$
服務:$$$$
睜開眼睛,又是灰到爆的星期一,仲要凍冰冰,千萬個不願意才爬起身,梳洗更衣上班。
原本毫無動力的Blue Monday,想起晚上跟朋友吃好東西,即時醒神番晒,我就是如此為食。
今次又去邊度食呀?
Well,是銅鑼灣的樓上店子 – 鉄人旨花。
由師傅話事喇! |
這裡有鐵板燒食,不過,是晚我們卻是坐在壽司吧檯,吃一頓由師傅為我們度身訂做的晚餐。
師傅問過大家有沒有什麼是不吃的,之後,便專注的為我們準備東西了。
在各位眼前的三碟前菜,分別是南蠻漬、汁煮茄子,以及汁煮八爪魚。以微酸的南蠻漬開了胃口,再吃較濃味的茄子,最後是煙韌的八爪魚,同埋又腍又入味的漬蘿蔔。是很稱心的開始。
完成前菜,接著就是五款刺身,好期待,到底會是什麼呢?
首先,是爽甜的赤貝,底下的青檸片,也發揮了效用。
其次,會係油甘魚。看其色澤油花,大概可以很放心。那結實的肉質,獨特的甘香,一向是我的心水。
再者,有雪魚。看上去還以為油份會很高,入口才知道,是較爽口的一款,不錯。
赤血印,驟眼看還以為是吞拿,查實是另一種,味道與口感也截然不同,又見識多一點。
第五款的中拖羅,相信唔需要多介紹,那甘香豐腴的魚油,從來是萬人迷。而且,這一件,沒半點筋。
係時候以無花果天婦羅來間一間場。外層粉漿薄又不油,配襯清甜多汁的無花果,盡顯師傅的心思與功架。喜歡的,可沾點點醋。中間的點綴,實質上是可以吃的,有少許蘿勒的味道。
油甘魚鮫亦隨之而來,外脆內嫩,沒有一點油膩感,同樣吃得滿意。
去到壽司環節,先來件系撚鯛。Oh What? 師傅再小心翼翼再說一遍:「系撚鯛」,即係日本紅衫魚。
呢條系撚鯛,爽口,有趣。值得一提,這兒的壽司,師傅採用了赤醋,同埋握時已加入了醬油調味,大家不用再沾豉油和日本芥末,直接放進口便可。
相比之下,我會更喜歡金目鯛,爽身之餘,更有個性。
跟住,有店家的花壽司,吞拿茸、甜蝦、魚籽,同埋海膽組合而成,師傅建議整件放入口,吃時鮮甜到不得了之外,層次感亦相當豐富,很喜歡,真想多吃一件囉。
還有牡丹蝦壽司,吃下去,為什麼會鮮香得咁緊要呢? 原來,師傅是把一些海膽茸,混以蝦羔,放在上面。難怪!
最後一件壽司,係火灸拖羅,原本極有期望,但出來效果卻稍有差池,燒耐一陣間就好了。
喝一碗暖胃的麵豉湯後,就會到甜品出場。我打趣說:「我仲未係好飽,如果個湯可以換成鵝肝多士,就完美」。
邊吃著雪糕,邊計劃下次來吃鐵板燒的日子。
鐵人大佬,好快我會再來探你!
餐廳資料:
鉄人旨花
銅鑼灣謝斐道477-481號肇明大廈2樓
2892 8819
真係勁想試埋鐵板燒囉
回覆刪除直頭要啦!
刪除好少見你話未飽喎!
回覆刪除因為太好食, 哈哈~
刪除你都唔飽, 可想而知我o既感受....
回覆刪除我其實OK, 不過好想食個鵝肝je~
刪除