Instagram

2014年6月15日 星期日

The Greenery - 世界盃殺到埋身喇!



食物:$$$1/2
環境:$$$1/2
服務:$$$1/2

世界盃狂熱直捲全城,球迷晚晚可以唔使瞓,即使唔睇波的朋友,大概其fb也會被足球資訊洗版,總之呢個現象,一個月內都唔會點變。

為配合這盛事,帝苑酒店的Greenery亦推出了以世界盃為主題的自助餐,筆者亦有幸獲公關朋友邀請,來品嚐多款環球美食。另外,大家還可以在110吋的大屏幕,重溫多場精彩賽事 (早餐時段更有直播啦!)

熱吓身

唔好講咁多,先出去拿點沙律開開胃。各款沙律菜,以及車厘茄,均是新鮮爽脆多汁,自行淋上千島醬或香草油醋汁,感覺健康。另外,長通粉沙律亦甚為醒胃,還有軟熟的火腿,當然唔少得我愛的芝士,這次我偏好硬芝士。噢,第一輪已很豐富。
 
較喜歡凍蟹
凍海鮮亦不俗,有煙三文魚、龍蝦仔、長腳蟹、凍蟹、麵包蟹,同埋熟蝦等,內容豐盛,個人尤其喜歡凍蟹,鮮甜,比預期中出色。
 
位上
回到自己的座位,看見已有一碟食物在桌上,原來位上的蠔皇鮑魚伴香煎鵝肝多士,前者勝在軟腍又入味,鵝肝外脆內軟,甘香無比,跟多士吃一定合適,真想多來一客。
 
從來合拍
西班牙的代表,自然是我喜歡的風乾火腿配哈密瓜,咸香的西班牙火腿,與甜蜜多汁的哈密瓜,從來是天作之合。只是,西班牙第一場波真係打到不知所謂,被荷蘭橙技術性撃倒,卡斯拿斯更是醜態百出
 
豐富
公關朋友很貼心,已為我們準備了海鮮,有齊帶子、花甲、翡翠螺、麵包蟹等等等等,先是配上清甜的椰湯底,合心。清新的感覺過後,再來一大兜的,配以香辣醒胃的冬蔭公湯底,又是另一番滋味。
 
日本代表

略燒得過了點

日本代表,刺身壽司,呢度既壽司是火灸的,我選的三文魚、左口和鰻魚,似乎是燒得稍為過了一點點。至於三文魚吞拿魚八爪魚,均是正常水準。此時,我想起了八爪魚保羅。不過,今屆好似有LuLu做了明燈。
 
不乏燒味

重點在於油飯

雖然香港和中國無可能進入32強,但也可品嚐到大家日常吃慣的廣東燒味,更少不了這裡的名物海南雞飯。由於胃納有限,我只分了甜魔媽媽的少許來吃。能成為這兒的招牌菜色,其油飯自然有一定質素。
 
熱葷
熱葷方面,英格蘭代表梗係炸魚薯條,我吃的那條,總算香脆,沾上Mayo最好,但係英格蘭個個去晒賣老抽韓國佳麗是韓式辣蟹,做得很惹味。仲有印度既代表,咖喱肉丸,可配脆薄餅。Oh wait! 印度代表???
 
有巴西串燒
當然唔會走漏主辦國巴西,其串燒雞肉也很受大眾歡迎,揭幕戰雖然旗開得勝,但似乎無乜冠軍相。其實,這燒烤區亦有德國的紐倫堡腸。
 
總不會走漏的
繼續是美國的燒牛肉,作為愛牛一族既我,怎樣飽也得來一塊。肉質是嫩口,若然肉味能夠濃郁一點,會更稱心。 

大師雪糕

甜魔唔客氣喇!

甜品環節,法國代表會是哈根大師雪糕吧!對這品牌的水準,無須置疑。呀,馬卡龍亦是法國的一員喔!意大利的提拉米蘇,質感濕潤,咖啡酒香濃,可口。還試了日本的綠茶卷,也合格。
 
滿足極了
超級豐富的一餐,更有人靚聲甜又搞鬼的歌手現場表演,自當是滿足的一夜。
 
仲有得抽獎呀!
差點忘記了,現在惠顧Greenery的自助餐,即可參加世界盃幸運大抽獎,選出自己的心水冠軍球隊。有幸被抽中的話,獎品是帝苑酒店的住宿連早餐,希望我會成為幸運兒啦!


未知大家的心水冠軍係邊隊呢? 而我,這死硬派英格蘭粉絲,更係揀……


餐廳資料:
The Greenery
尖沙咀麼地道69號帝苑酒店3樓
2733 2030

6 則留言:

  1. 佢既海南雞飯,我都中意食呀

    回覆刪除
    回覆
    1. 我都好鍾意呢度既名物海南雞飯 XDDD

      刪除
    2. haha, 對於我地依d唔識波的, 只係focus落食物啦 :p

      刪除
    3. Ophelia & Mandy: 個油飯係唔錯既~
      Yan: Focus食物都好丫

      刪除
  2. 淨係睇呢篇嘅世界盃寫法都值回票價啦!

    回覆刪除