2014年4月6日 星期日

翠亨村 (美麗華店) - 老牌字的新氣象



食物:$$$1/2
環境:$$$$
服務:$$$1/2

對美記始終有情意結,所以每當有Event要安排,第一時間總會浮起The Mira的名字。今次都唔例外,幫朋友訂好了這裡的場地,簽好合約,可以先去飲茶,下午再回來睇房。

新氣象

既然下午還要回來,那就不走太遠,近近地在美麗華商場的翠亨村便是。其實,翠亨村搬上五樓之後,我仍未到此堂食過 (只拿過蘿蔔糕),趁今次機會,正好試試店子的水準。
 
還有蜜豆的
中午吃飯,都是以點心為主,再加一兩味小菜/ 燒味,已經可以很豐富。按慣常,又點了叉燒,賣相都唔差,一邊的肉質鬆化,一邊的則較韌,不過蜜味充足,邊位帶微微焦燶,都可以收貨有餘。更欣賞是在旁的蜜豆,現在能吃到的地方買少見少,這裡的做得很好。
 
名物
窩貼牛奶拼均安魚餅是招牌菜色,不論中午或是晚飯,也定必要試。咬下均安魚餅,香脆可口,質感彈牙,鯪魚味濃,配上蜆芥醬,滋味無窮。窩貼牛奶的牛奶部份柔軟,滿口奶香,還有一小片咸香的火腿作提味之用,多士香脆而鬆化,一軟一脆的組合,妙不可言。
 
可以更好
Auntie想食薑醋,都無所謂呀!豬腳炆得軟腍,皮是爽口,只嫌醋味不太濃郁,否則會更好。
 
有水準

稍為遜色

幾款點心,蝦餃燒賣是最大路,前者皮薄晶瑩,蝦肉新鮮爽口,餡料還有筍尖,吃得滿意。反而燒賣雖有一隻蝦在面頭,但論味道口感,卻沒有蝦餃出色。
 
可以接受

鬆軟好吃

再來一碟豬潤腸,腸粉皮未算相當的薄,但都頗為滑溜,裡頭的豬潤甘香爽脆,沒腥味,已可以接受。另外的叉燒包,外層發得鬆軟,餡料的叉燒甜度剛好,沒有很硬,屬高水準。
 
結尾來點甜
怎樣也來款甜的吧,就馬拉糕喇。就是顏色是我喜歡的,質感鬆軟,甜味不會過甜,甜的也對胃口。


慢慢的嘆,不知不覺又是兩個多小時,係時候回去酒店搞埋些少手尾。


餐廳資料:
翠亨村
尖沙咀彌敦道132號美麗華商場5樓
2376 2882

8 則留言:

  1. 翠亨村也是我心宜的中菜廳呢 :D

    回覆刪除
  2. 我會想食豆豆多過叉燒! 仲有想食薑醋"蛋"+"醋"
    落單時我可能要問唔該少D主菜,多D配菜丫!

    回覆刪除
    回覆
    1. 哈哈,下次同你食飯,我食主菜,你食配菜 XD

      刪除
  3. 尖咀呢間似乎不錯喎,中環個間就麻麻地啦

    回覆刪除
  4. 我都中意食馬拉糕..不過好耐冇食LU

    回覆刪除