2013年12月9日 星期一

Imasa @ 半島酒店- 京阪自助晚餐



食物:$$$1/2
環境:$$$$
服務:$$$$

很多人或會覺得半島酒店的門檻會很高,尤其是今佐日本料理,真係餐牌也不敢望一眼。身邊的朋友都會說:「半島喎!日本餐廳喎!咪玩啦!」其實,這裡是否真的高不可攀呢?

飲勝!

筆者最近有幸獲邀,試食新推出的冬季限定京阪自助晚餐。看看價錢,只是$668(另加一),再加$138更可無限享用Suntory啤酒或燒酎,又唔係貴得咁緊要啦!
 
清爽前菜
快點介紹食物喇!先吃三味前菜,分別有口感清爽的舞茸菠菜、清甜醒胃的溫室蕃茄伴柚子土佐酢,同埋滑溜又有豆香的京都風味凍豆腐,全都是很清新,為豐富的晚餐作好準備。
 
彈牙
再來一客田螺作小食,田螺隻隻厚肉,肉質爽脆又彈形,鮮甜好吃,幾對吸引。(唔記得講,是晚店方已準備好菜色奉上給我們,大家無須走出去拿取,對於我這懶人來說是非常好。但我們吃的,是跟在外面既一樣的。)
 
離不開刺身

好鮮甜

刺身是必需要的項目吧,一大盆的奉上,擺盤漂亮,的確會令人有嘩嘩聲的反應。吞拿、油甘、三文魚和帶子均新鮮甜美,鱈場蟹腳肯定鮮味,海膽更是我最欣賞的項目。
 
刺身後是壽司
有刺身當然不會沒壽司,未吃先蝦那隻精美的碟子吸引。灸燒三文魚油香幾足,但味道濃一點就更合心,鯖魚板押壽司相對更好,毫不起眼的腐皮壽司,原來也是不能錯過的好東西。
 
鬆脆
之後是串炸,內容有大蝦、帶子、洋蔥、冬菇和露筍等,粉漿是看得出的薄,隨便拿了串露筍來吃,外鬆脆露筍爽甜,完全沒有渣。另分了半隻朋友的大蝦,同是爽口好吃。
 
又回到手卷

嚐過串炸,又回到手卷的環節,因為是我們臨時要求加的。幾款口味,我還是挑了最經典的北寄貝沙律,唔使問,又是鮮甜,米飯好吃,若然紫菜能夠再脆口些少,更正。
 
有驚喜

仲有香脆又彈牙的炸魚丸,比想像出更出色。而旁邊的燒麵豉生麩,甜甜的,口感煙煙韌韌,很特別。煮海鰻腐皮卷,賣相不算驚艷,但軟熟的腐皮包裹著肥美的海鰻,絕不會給比下去。
 
甜甜的

掂!

再來的京都風味和牛鋤燒,口感尚佳的和牛浸在甜甜的醬油之中,美味,把不吃牛的朋友那份都霸佔了。另外的煮無花果舞茸大蝦,香脆,個人更喜歡無花果在陣。
 
唔錯

飽到上心口,但大阪燒的賣相又太誘人,結果又吞下了一件,甜甜的醬汁是精髓。整多碗南瓜蠔粥,大大隻的蠔藏在粥底,教人滿足。
 
甜品喇喂

我喜歡豆腐口味

筆者更期待的,當然是甜品環節。巨大的拼盤,有齊清脆的拿破崙、甜美的馬卡龍、輕柔的草莓忌廉卷蛋、鬆脆的朱古力撻,以及清新醒胃的奶凍,仲有超美味的綠茶和豆腐雪糕,甜胃獲得大滿足。
 
圓滿
再以一杯咖啡作結,滿足矣!
 
大家來擦番餐啦!

這京阪自助晚餐,逢星期五至日供應,直至201422日。大家想在佳節吃番餐好的,這裡也會是個好選擇。


餐廳資料:
Imasa
尖沙咀彌敦道19-21號半島酒店1樓
2696 6715

6 則留言:

  1. 依然覺得半島好貴格,不過,D食物賣相真係好靚仔wor!

    回覆刪除
    回覆
    1. 始終是六星級酒店的日本餐廳, 如果食物賣相都唔靚仔的話, 真係要打屁股了

      刪除
  2. 我都幾鍾意食佢d甜品, 同埋真係好少有高級好味的日式放題~~

    回覆刪除
  3. 海膽好欣賞呀,大件到咁的
    佢真係好正,高級得黎唔會太貴

    回覆刪除