2013年11月23日 星期六

安南 - 愜意的越南美食



食物:$$$$
環境:$$$$
服務:$$$1/2

香港地,街坊的越南菜館可不少,但高檔精緻而又有質素的,卻寥寥無幾,印象中就只有帝苑酒店的Le Soleil和老趙的高級版悅木,頂多計埋芽莊,大概就是這樣。最近,終於可多一個選擇,是在銅鑼灣利園的安南。

很喜歡這環境

就在快樂星期五,跟老朋友聚頭時,揀了在這裡晚餐。只要了解過集團的背景 (不用我詳細解釋了吧!),都可以好肯定這餐廳的設計絕對是頂級水平。的確,一走進店子,筆者便被環境吸引住,果然是大師級作品。
 
皮薄餡靚
費時用腦,直頭找經理幫我們安排幾道招牌菜色,相信已經很理想。先來一味雙式扎肉粉卷,皮薄滑溜,能隱隱看透裡面的材料,吃起來口感豐富,沾些魚露,清爽好吃。另一邊的扎肉,頗厚身,味道不俗。
 
較少吃到的藕藤
又柯打份藕藤沙律,爽脆的藕藤,還有生菜及香葉,配上青檸汁,感覺寧舍醒胃,大蝦也弄得爽口,同是很不錯的前菜。
 
香口
經理又推介了安南泰式豬頸肉,以生菜包裹住香口的梅肉扒和彈牙的肉餅,以及越南米粉,香口之餘,亦能保持清爽的感覺,果然是有水準的招牌菜色。
 
好得!
還有椰青大蜆,用新鮮的椰青水去烹煮大蜆,再加上香茅作調味,賣相很剎食。大蜆隻隻飽滿,味道很鮮,椰青水清甜無比,更滲出香茅的精髓,整件事來得十分完美,真可全部吃清喝光。
 
羔多肉爽
之後是按位上的越南大頭蝦,每人半邊,睇見都口水流。蝦頭比蝦身更大,羔多甘香,肉其實也不算少,而且爽口彈牙,用上刀叉去吃,滋味無窮,可唔可以加多隻丫?
 
甜甜的, 對口胃
最後的咸食,為安南蜜汁燒雞,固然又是招牌菜色。雞肉有蜜汁又有魚露去炮製,香甜又嫩滑,雞皮燒得香口,很合心水。配角大概是炸糯米餅,乾身,外脆內煙韌,跟甜甜的燒雞是很好的配搭。
 
港式
以本人的認知,越南是沒什麼甜品,所以我們是晚吃的,均是港式的甜點,如心太軟、芒果果凍和焦糖布甸。大概不是店方的耍家,心太軟有點鐵石心腸,反而旁邊的椰子雪糕更吸引;果凍用匙弄一下,立即動彈不得,是好貨色;焦糖布甸也大致合格。
 
清爽
至於椰子果凍,據知是以純椰青水來製造,感覺自然清爽。
 
值得一試的地方

跟老友吃餐好的,再風花說月一番,從來都是開心事,真心期待下次再聚。


餐廳資料:
安南
銅鑼灣希慎道33號利園一期4樓
2787 3922

13 則留言:

  1. 心太軟有點鐵石心腸..你形容得好搞鬼呀..笑死我了
    個環境同大頭蝦我都想試,不過e間應該唔平bo

    回覆刪除
  2. 好得咁喎,我好想食個隻蝦...反而D甜品就唔多吸引

    回覆刪除
  3. 大頭蝦好靚仔呀!得半隻又確係唔夠喉喎!

    回覆刪除