2013年11月3日 星期日

agnès b. le pain grillé - 預演...聖誕巨獻



食物:$$$1/2
環境:$$$$
服務:$$$1/2

眨下眼又到11月,講講下又是聖誕和新年,看自己的工作行事歷排得密密麻麻,真的不敢去想。但願船到橋頭自然直,一切事能順順利利,唔好再有咩麻煩事要跟手尾。

來到這品牌

話題又扯遠去,言歸10月尾我和甜魔媽媽Yan去試的Agnes b. le pain grille,這分店位於銅鑼灣的著名食廈Cubus。平日我十年都唔好一次,但一來就連續兩天到這幢Building的兩間食肆試菜。
 
率先試
是次我們品嚐的,係九道菜既聖誕大餐。大家可能會話,What? 10月尾食聖誕餐,使唔使咁早呀? 其實,在於Marketing的角度而言,我覺得這個時間是剛剛好的。
 
要留肚
聖誕套餐$688/位,另加一服務費,以咁豐富的九道來說,索價都算合理。開大餐之前,吃點麵包,法包和合桃提子包,個人較喜歡後者,鬆軟又有口感,不過始終要留肚,不能多吃。
 
Amuse Bouche
送上一碟Amuse Bouche,有兩款東西,分別是薄脆的吞拿魚多士和提子味的啫喱球。除了食物,個人其實甚為欣賞這品牌的餐具,有時甚至是精緻得不懂去用。
 
好開始
頭盤的主角是三文魚和帶子,賣相精緻是預期之中。加入了鬼佬黃酒去烹調的三文魚,香氣更為突出,面頭鋪上咸鮮的魚子醬,跟三文魚亦十分合拍,墊底的紅菜頭啫喱,帶出清新氣息。至於帶子,鮮味足之餘,保持彈牙口感。同樣地,紅菜頭令整個感覺更為清爽。帶子旁的脆片,是以巴馬芝士所造成,香濃好吃。
 
足料雲吞
另一款是意大利雲吞牛肉清湯,牛肉清湯味道稍稍咸了丁點,還好湯內的各樣菜蔬正好作中和之用。意大利雲吞的皮口感煙韌,以香濃的鵝肝和野菌作餡料,配搭頗為不俗。
 
清新
嚐過雲吞後,來一客清新的雪葩去清清味蕾,才再繼續品嚐主菜,也是很正路的安排。雪葩的顏色美麗,冰感不重,甚至有點像雪糕。玫瑰香檳的口味則十分清新,完全符合清味蕾之效果。
 
海鮮爭艷
首道主菜送上,幾款海鮮爭奇鬥艷,有蝦有帶子有鱈魚也不乏藍青口,款款新鮮,味道甜美。底下的是由各類菜蔬作材料的「什菜寬條麵」,有創意又健康,相信現在常說要有健康飲食的朋友一定會喜歡。
 
和牛上加黑松露
有了海鮮,再來的主菜必定就是肉類了。看那和牛中芯的色水,已知道大概不會錯了。肉質是鬆化,卻仍可以再生一點,是我自己的問題吧!和牛面頭的一片黑松露,香氣四溢,提升層次。還不要錯過配魚的紅蘿蔔粒。
 
充滿聖誕氣氛
紅噹噹的甜品,充滿聖誕氣氛,一邊是朱古力開心果慕思,頂頭加入紅莓啫喱,不論口感和味道,均是十分豐富,再把另一邊廂的雪糕吃掉,滿足。
 
脆口

後加心太軟

筆者和甜魔媽媽在場,一款甜品就無可能足夠,所以我們又在甜點餐牌中加了兩味,分別是蘋果撻和心太軟,前者勝在皮夠鬆脆,後者流心程度算不上強勁,但混入了焦糖脆脆和果仁,口感卻又是很足。心太軟旁邊,自然少不了一球雲尼拿雪糕作配搭。
 
不能少的一項
有齊豐富的食物 (包括甜品),當然要有咖啡作終結,這一頓晚餐才算得上圓滿。大家若不想年年自助餐,而希望選一個寧靜舒適的地方渡過聖誕,不妨考慮下呢度。


最後,謝謝公關的邀請!


餐廳資料:
agnès b. le pain grillé
銅鑼灣開平道1號Cubus 15樓
2577 2718

4 則留言:

  1. 雖然食物份量好似細細,但咁樣食法反而無咁有罪惡感,仲好似可以試多幾款! ^^

    回覆刪除
  2. 好別緻呀款款都
    加油呀 !! 辛苦之餘唔好捱壞呀

    回覆刪除