2013年9月26日 星期四

羅麥記 - 扮晒野!



食物:$$$
環境:$$$$
服務:$$$

坐成粒幾鐘車入到去屯門開會,完事後,當然要到新商場V City逛逛,吃頓飯,點都叫做見識過嘛!原來新商場都有唔少野食,兜了個圈,見到有間扮懷舊的餐廳,即管入去試試。

九龍皇帝的......

有幾分像蘭芳園

店子裝潢就是扮懷舊,牆璧上有類似九龍皇帝的「塗鴉」,又有很多曾幾何時頗具名氣的牌子,再加上紙皮石地板、吊扇,同埋店子的主體色調等等,感覺跟蘭芳園有幾分相似,不過我相信是沒有關係的吧!
 
學生手冊Menu
翻開本「學生手冊」的Menu,裡頭有唔少新派的食品,當然亦保留了一些如公仔麵、三文治等的必備之選。新穎的磚頭焗豬扒飯是吸引,只是我當日肚子不太餓,難以獨力完成這「壯舉」,改要了羅麥記三文治便算了。
 
即是公司治
所謂的羅麥記三文治,查實即是我們熟悉的公司治,生菜、蕃茄、雞蛋、芝士、火腿、雞肉、沙律醬等,都算夾得幾好,拿上手不容易散開。麵包是經烘過,帶微脆,雞蛋沒有過老,仲有靈魂的沙律醬,總不會難吃的。
 
好甜
我不可以沒喝的。特飲是吸引,但跟三文治好像要加$25,好似誇張左少少,要回一杯凍奶茶就是。奶很多,茶味卻薄弱,同埋好鬼甜,我個人是沒問題,但相信一般人未必接受得到。
 
不便宜

在這種環境下用餐,即使食物水準未算頂級,但唔使問價錢一定唔會便宜。見識過,便可以了。

餐廳資料:
羅麥記
屯門屯門鄉事會路83號V City 1樓11號舖
2618 3703

8 則留言:

  1. 初時以為係老翻羅富記,但睇落似喜喜多D

    回覆刪除
  2. 回覆
    1. 都係連鎖店囉,唔使專登去~

      刪除
  3. 依間野好多人排隊架! 估唔到咁唔得....

    回覆刪除
    回覆
    1. 又唔係太差,不過噱頭為主囉~

      刪除
  4. 算吧啦, 呢個自由神場, 唔係俾香港人行架

    回覆刪除