Bene Pizza + Pasta - 難得輕鬆

食物：$$$1/2

環境：$$$1/2

服務：$$$

在奧海城的Double Star，掙扎求存了好一段時間，終於都玩完。換來的新面孔Bene Pizza + Pasta，口碑不俗。這天跟好朋友食午餐，對方剛巧下午要在奧運上Training，來Bene就最好不過。

爽脆

大家都是甜人，卻不是大食之人，所以只點了一客Set Lunch，另多款小食，寧可留肚子吃甜品。午餐頭盤可揀湯或沙律，我倆都不喜歡喝湯，就要沙律作罷。凱撒沙律的生菜新鮮爽脆，配上脆香的火腿，同埋麵包糠，再灑點芝士粉上面，簡單卻好吃。

 

質感有點實

另點的小食是意大利肉丸，想不到只得三粒，果然係小食。蕃茄醬跟芝士出來的味道是可以，只不過肉丸的質感比較實，完全唔得鬆化，跟手打的出品是兩回事。

 

惹味

既然這裡自稱是薄餅專門店，主菜無理由唔揀佢既pizza吧！Margherita邊位略帶焦黑的，而且香噴噴，未食已覺得吸引。大口咬下，薄餅底夠脆，辣肉腸咸香之中滲出辣勁，惹味非常，再配以洋蔥及彩椒去平衡，味道不俗。以$98有頭盤有薄餅和餐飲的價錢，絕對合格有餘。

 

假味

午餐加$15可有是日甜品，不過當日的款式不夠吸引，乾脆散點。首先來的熱情果朱古力脆脆，又是近年好流行的半球體，可惜熱情果味有點假，完全缺乏應有的清新感覺，朱古力的部份也有欠濃郁，跟我們預期的有所出入。

 

獨欠靚雪糕

其次是香酥三層芒果脆皮撻，賣相尚且吸引。撻皮能做到鬆脆，跟上層的鮮芒果肉是匹配，帶出冷熱交融的效果，獨欠一球靚雪糕。這裡用的雪糕，級數未夠，就此拖垮了整件甜品，但至少都比剛才的那款要好。

 

謝謝我的好朋友

飲埋杯熱檸茶，一個多小時的午餐時間轉眼便要完結，感謝好朋友請客，希望好快又可以再一齊輕鬆地食晏。

餐廳資料:

Bene Pizza + Pasta

大角咀海庭道18號奧海城二期106號舖

2352 4848