2013年7月2日 星期二

小感想:想重拾球拍的小小Food Blogger



相信很多Food Bloggers和我一樣,喜歡食以外,也愛做運動。認識筆者的朋友都知道,小弟喜歡打乒乓球,如果可以的話,一星期打足七天也沒有問題。

讀書時代,本人參加很多乒乓球比賽,有代表學界的,有代表球會的,亦有一些個人/ 雙打公開賽。總之,大至香港公開賽,小至區賽,統統都唔會放過,記得最誇張的一次,是凌晨五點起床搭船去坪洲打比賽,都咪話唔瘋癲。
 
當年真係咩賽都打
雖然不是每次比賽都穿金戴銀,更有無數咁多次是累輸波 (對不起咁多位前隊友),但間中都會嬴到一個半個「雞仔賽」的獎盃呀!做領隊既成績更加唔錯,曾經帶女隊攞過全港青少年團體賽既冠軍添。當然,這些成績,在乒壇打滾過的朋友都了解,係「好鬼屎」。
 
好想打番波
喜歡打波,也喜歡教波。雖然技術完全未夠班,但也想盡自己一點綿力,向有興趣的朋友教授下,也藉此推動一下乒乓球這運動。所以,十八歲那年,聽于生講,走去考了乒乓球教練的牌照。
 
做領隊都好玩
人老左真喜歡想當年,哈哈!現在,因為事忙,已絕跡球場十多年,只是間唔中會同朋友打一場,算是做吓運動,伸展一吓而已。唔使問,大家都可以用「勁屎波」去形容,小學生一定可以打低我。


近日,收到朋友黃佩儀教練的Whatsapp,令我想重拾球拍,不是要打比賽,只是想再次感受一下乒乓球的真正樂趣,可以嗎? 我能堅持多久? 大家有興趣同我打番場嗎

希望各位Food Blogger除了日食夜食之餘,都可以抽點時間做下運動,這才會愈食愈健康,長食長有。

2 則留言: