Follow me on Instagram

2013年7月5日 星期五

丸龜製麵 (荃灣店) - 烏冬比天婦羅好



食物:$$$1/2
環境:$$$1/2
服務:$$$1/2

首次接觸丸龜製麵,是在The One的總店,當時是一位朋友介紹,話呢間野好玩又好食。印象中那時沒幾多客人,仲擔心唔知頂唔頂得住。轉瞬間,這品牌已在荃灣廣場 (以前四海游龍的位置)開分店,已經是第三間了,真係唔講得笑。
 
先排隊點餐
大概係新屎坑既關係,荃灣店人山人海,見到排隊買野食既人龍,有點嚇了一跳,怎麼可以跟尖沙咀店有咁大的對比呢?
 
自行夾天婦羅
或者再講多次遊戲規則,就是先排隊去選烏冬 (有冷有熱有跟溫泉蛋),再走過天婦羅那邊自已「夾」心水炸物,最後到收銀處付款,之後返埋位食,就係咁簡單。
 
悉隨尊便
至於天婦羅醬油、蔥花以及白開水等,也是整整齊齊的放好,大家悉隨尊便。這個近乎全自助的做法,一方面慳人手,大家又覺得好玩 (尤其是青年人),絕對是雙贏。
 
我的選擇
好啦!究竟我買了什麼回來吃呢? 答案是:海老天婦羅、茄子天婦羅以及炸半熟蛋,配以冷烏冬。烏冬仍然是爽滑又有咬口;茄子天婦羅粉漿不太厚,外鬆脆內軟腍,但最大問題是凍冰冰;海老天婦羅亦然,雖然屬外脆內爽口,不過就是預期中的冰凍和沒味道;流心炸蛋,我依然不懂欣賞。
 
烏冬不俗
總的說,我喜歡這裡的烏冬多於天婦羅。另外,像我這份食物,盛惠五十八個大洋,價錢雖不算十分經濟,但間中來吃一餐,未嚐不可。





餐廳資料:
丸龜製麵
荃灣大壩街4-30號荃灣廣場1樓128-130號舖

2 則留言: