食物：$$$
環境：$$$1/2
服務：$$$
唔知搞咩鬼，想食既餐廳通通訂唔到位，真係激鬼屎。到OpenRice隨便的search下，看到了日航酒店的Les Celebrites，評語好像不錯，而且又未去過，即管俾次機會佢。
要穿過Café Serena，才是小小的門口，餐廳瑟縮在一角，毫無氣派，首個印象並不討好。還好的是，當晚客人不多，可以跟友人靜靜的享受一頓晚餐，渡過美好的晚上。
甫坐低，服務生便立即奉上餐牌、麵包籃及特色S型麵包。麵包籃的兩款包味道可以，但質地均是實實的，水準一般；反而S型的特色麵包，起初還以為只是得個睇字，估唔到也軟熟好吃。
是半自助餐的形式，柯打了主菜以後，頭盤和甜品就睇你既食力。走出去八吓，不算很多選擇，但海鮮、Cold Cut和壽司等基本東西亦有供應。看壽司的樣子不很吸引，可以略過；海鮮沒有生蠔，但對我來說不是太大問題，至於長腳蟹、青口和蝦，都是無厘鮮味；Cold Cut，很普通。
是日的餐湯係青豆湯。我其實都幾怕呢味湯的，而這兒的出品，不香也不滑，真的沒什麼驚喜，好在未至於驚嚇。
主菜方面，煎牛柳是我的選擇。要了Medium Rare，出來亦帶著粉紅色夾心，賣相對勁。牛柳的確不韌，只可惜肉味薄弱，未見出色。配角是煎蛋磚，夠香口，滿有蛋香，同時亦吃得出芝士的香味，更為不錯。
對方既龍脷柳鮮蝦蟹肉卷，龍脷質感散散的，裡頭的蝦蟹肉餡料，同樣欠缺鮮味，一點也不好吃。這碟，是配以青豆意大利飯。對，又是青豆茸，我不喜歡，加之意大利飯較生，比我的牛柳要差。
自助甜品都是蛋糕、燉蛋以及朱古力等，花樣唔多。小試牛刀，先拿一客Crème Brulee，無糖面是脆，但就是我也覺得太甜，我想一般人未必接受到。
士多啤梨撻，面頭的士多啤梨尚且清甜，還配了點開心果茸，味道可以，不過撻皮就又硬又實，完全唔掂。
結尾的一杯Cappuccino，香濃欠奉，不滿意！
沒有好好安排這頓晚餐，要跟朋友說聲對不起，下次要去吃番餐好的補償補償。
餐廳資料:
Les Celebrites
尖沙咀麼地道72號香港日航酒店1樓
2313 4221
沒有留言:
張貼留言