2010年12月31日 星期五

Aropa - 有包場的感覺



食物:$$$1/2
環境:$$$$
服務:$$$1/2

電話對話內容是這樣的。

我:「喂,大佬,幾時得閒食你既生日飯呀?」

精:「Um…今晚啦!」

我:「呀!咁急? 不過我今個星期都只係今晚OK,就咁決定,我搵埋阿業。」

就是這樣,便促成了生日飯局,真真正正的擇日不如撞日。為遷就大家,選址在尖沙咀K11的AROPA。



星期一晚上,小貓三兩隻,可以方便我影相,傾計更能暢所欲言。很喜歡這兒的椅子,椅背有著AROPA的字樣,很有心思。



由於有人要遲收工,我和主角先行苛打了是晚的菜色,待人齊可以馬上吃。商議好一個頭盤,兩款主食,甜品稍後再諗。



先奉上麵包籃,原來只得一款,沒有選擇。麵包烘得外脆內鬆軟,面頭帶點香草和蒜泥的香,配上黑醋和橄欖油,總算對辦。



頭盤為香草醃挪威三文魚配鮮茄多士,三文魚有筋,還有一丁點的腥味,不過是很輕微,香草的味道大致能補救;伴碟的鮮茄多士,只是外圍脆,中間淋淋的,所謂的鮮茄亦提不出清新感覺,中規中矩而已。



到了主菜,鵝肝露筍意大利飯,米飯感覺不及軟綿,咬口也只屬一般,未算很高水平,反而配料的小露筍清甜,鵝肝粒尚算甘香,挽回了些少分數。



最期待的還是燒乳豬,外皮很是鬆脆,肉質嫩口,富肉汁,味道很對勁,沒有令人失望;伴邊的茄子、煎蛋餅、幼露筍等,均是好吃,沒有馬虎。能留意到細節位,代表了廚子的用心。



再選兩味甜品,我揀了Panna Cotta,另外的是白酒梨件濃朱古力。前者算是軟滑有奶香,裡頭混入了雲尼拿籽,再點上橙汁,果真有水準。



白酒梨件濃朱古力賣相很漂亮,梨很爽口,又滿有酒香,夾著濃濃的朱古力雪糕,是意想不到的好吃。



時間不早了,要落樓下買Macarons,埋單走人。祝我最好的朋友生日快樂!

餐廳資料:
Aropa
尖沙咀河內道18號K11購物藝術館117-118舖
3188 4360

2 則留言:

  1. 嘩,原來呢間野仲撐到依家? 我年頭又係去呢度同朋友食生日飯,成間餐廳拍晒烏蠅,得一兩枱人... Kady

    回覆刪除
  2. 我估佢都係頂到租約期滿就算

    回覆刪除