2009年11月10日 星期二

La Cucina Italiana - 意大利「家」的感覺


食物:$$$$
環境:$$$$1/2
服務:$$$$

原本目標是26樓的酒吧餐廳,但那位性格大廚有事不返工,令整間餐廳不能做生意,唯有另覓地點開餐。對21樓的意大利餐廳亦有點興趣,便落去試試。


餐廳有兩層,位於21及22樓,樓下的裝修充斥著意大利南部小鎮的風格,十分寧靜舒適,令人響往。


沿樓梯走上一層樓,氣氛熱鬧得多。餐廳中間放置大梳化,前面更有仿制的火爐,環境相當Cozy,有意大利屋企既感覺。


環境殺晒,食物質素又如何呢? 翻閱餐牌,選好了意大利長通粉、意大利飯和烤豬扒。主菜前,先吃些小吃。餐前小食有兩款,其一是麵包籃,麵包軟熟卻不熱,配上的是牛油和自家制醬料。醬汁含橄欖油、生蒜及生洋蔥,少許辛辣的味道,好吃。


另一款是tomato & garlic bruschetta,麵包上加了蕃茄粒及香草,酸酸地,幾醒胃,是不錯的餐前小吃。


先來蕃茄意大利長通粉,味道帶點酸辣,長通粉不會過份稔身,頗彈牙的。材料有肉碎、香口的煙肉,還有松子,很豐富,感覺也地道。


煙三文魚意大利飯,看似很濕,賣相未算討好。然而,吃起來卻頗有驚喜,沒有太糊口的感覺,米飯亦具咬口,三文魚切粒,肉嫩而香,很有水準。最怕吃又濕又黏埋一舊的意大利飯,這裡的出品就完全沒有這問題。


烤豬扒,賣相有少許似牛扒,沒有放太多的調味料,簡單幾粒鹽和黑椒便可。外層烤得香口,肉嫩味濃,只嫌鹽稍稍放得太多,略咸了一點,但其實味道是很不錯的。伴碟有大量的沙律菜,鮮甜爽脆,也健康一點。


咸點大致滿意,又是甜品時間。我先選Panna Cotta,質感有些少似Crème Brulee,上面更有焦糖,但很滑,正合本人口胃;


Tiramisu幾濕潤,亦重酒香,但層次感不太豐富。


最後還有profiteroles,是Puff配雲尼拿雪糕,上面淋上濃郁的朱古力漿,味道當然是對辦。之不過,Puff太韌,雪糕也不是上乘的貨色,尚有進步空間。


在一個滿分的環境下用膳,食物水準亦相當,埋單每人亦只是一百五十蚊左右,絕對是物超所值。

餐廳資料:
La Cucina Italiana
灣仔皇后大道東 202 號 QRE Plaza 21 至 22 樓
2156 9115

4 則留言:

  1. 下次有機會試到o個位咁有性格o既大廚o既出品, 一定要再報告一下~
    lee 間都咁正, o個間都好令人期待

    回覆刪除
  2. 我地原本真係好想食個間架!若有機會試到,一定會馬上滙報。

    回覆刪除
  3. 水準唔錯,又好抵食!!! 多謝推介.

    回覆刪除
  4. 唔好客氣! 其實你個blog仲多好介紹啦, 我都係跟你搵食~

    回覆刪除