望月軒 - 野菜系列

食物：$$$$
環境：$$$$
服務：$$$$

作為望月軒常客，當然會不時留意佢有咩好東西推出。

最近佢哋玩緊野菜系列，賣點是既養生又好味，當中很多品種我不單沒試過，甚至聽都未心聽過。因此，好有興趣。

在野菜系列之中選了幾款，再加些平時喜歡吃的，已足夠有餘。

由野菜新品開始說起，首先是湯品，金耳姬松茸燉湯。看見那堆湯料，同埋其香氣，就知道一定掂。金耳好厚身，入口嫩滑，膠性豐盈，姬松茸則爽脆，加埋個甜到不得了的湯頭，大家都喝得一滴不剩。

黑松露醬炒雜菌，咪睇佢黑咪咪咁，其實是香噴噴好吸引。特別喜歡當中的黑皮雞樅，質感爽脆，又有咬口，愈嚼愈香。

再來的白玉木耳炒四川腊肉，色彩就比較多些。四川腊肉有別於廣東腊肉，肉質較為緊實，帶有煙燻香氣，及微微的麻辣氣息，伴以爽口的白玉木耳及青紅椒，與剛才的炒雜菌同樣惹味，但風格及味型迥異。

香樁炒雞蛋，其貌不揚，勝在有內在美。香樁被喻為亞洲抗癌蔬菜之冠，口感脆嫩，跟嫩滑的雞蛋原來非常合拍。這道在北方地區很流行的菜式，我倒是首次品嚐。

試了四款野菜系列，就輪到我每次來必點的宣威蜜汁火方。宣威火腿或許大家都聽過，火方連皮帶膘，入口酥軟，跟蜜汁鹹甜交融、香而不膩，連同脆口的響鈴，以蝴蝶包包裹著，實在美味。

最後以清爽的炒窩筍作結，大家都飽到上心口。

餐廳資料:
望月軒
上環干諾道中168-200號信德中心西座3樓澳門廣場3017號舖
21114558