海外篇：Queic by Olivia - 炙手可熱的芝士蛋糕

食物：$$$$
環境：$$$1/2
服務：$$$1/2

講起新獅城近期最炙手可熱的甜品店，Queic by Olivia必佔一席位。

餐牌不用多，做得專就夠，所以店家賣的都只是三款芝士蛋糕，當中人人讚好的招牌芝士蛋糕，朋友說無食過等於沒來過新加坡。

既然講到咁誇張，那就找一日食完早餐，慢慢走過來吃一件中午甜點。

店子黃黃啡啡的色調，大概就是想打造出芝士既風格，我朋友是這樣說的，但我就無去考究。

沒想太多，就來一件招牌芝士蛋糕，其實你可以說是一件芝士批。批邊做得唔錯，唔怕硬轟轟，芝士批面頭帶點點像焦燶的效果，看上去吸引，吃起來那半溶的質感更加是精要所在，忌廉芝士及藍芝士混合出來的味道濃郁但絕不霸道，非常和味。呢件招牌甜點，的確好食，但都好貴，連埋加一和稅，過百蚊港紙。

Iced Latte就中規中矩，畢竟人家的賣點是蛋糕而唔係咖啡。而或者，呢件咁出色既蛋糕，配杯熬咖啡會比較夾。

人開始多，也不阻住地球轉，閒逛去我昔日曾經工作過的地方Clarke Quay，回憶一下以往的美好時光。

人老了，就會想當年...

餐廳資料:
Queic by Olivia
41 Kreta Ayer Rd, Singapore