Bacha Coffee - 甜蜜下午茶

食物：$$$1/2
環境：$$$$
服務：$$$$

老媽子發現新大陸！

我想講佢唔知係邊度知道左Bacha Coffee呢個品牌，Whatsapp問我啲嘢好唔好無食 (是的，佢無問咖啡好唔好飲，因為佢唔飲咖啡)，然後便帶了下午茶回來。

牛角包有咸也有甜，但體型都比預期中細。循例先吃咸的，係磨菇味。牛角酥鬆化，滿有牛油香，磨菇既味道亦十分強烈，台咸味的出品竟然有驚艷到我。

接著嚟係三款甜味的出品，分別有紅莓肉桂、開心果，以及咖啡朱古力口味。鬆化有牛油香是基本，所謂的紅莓肉桂牛角酥，肉桂的氣息其實很薄弱，一向不愛肉桂的老媽子甚至發覺不了肉桂的存在，就是酸酸甜甜的紅莓夠晒醒胃，老媽子仲話係三款之中最出色的。

開心果味都幾好，味道不會好假；咖啡朱古力口味，其實係朱味比較突出，所以我老媽子又接受到。

另一次就買了四片蛋糕，檸檬味、乾果杏仁、帶橙和芫茜味的1910咖啡，以及阿拉伯咖啡四種口味，檸檬味最平易近人，個人認為配咖啡最夾。1910咖啡的所謂橙及芫茜味，只在於頂頭的Toppings ，同埋味道唔係好極端，反而有少少似食酸薑既感覺。

素來重口味既筆者，覺得阿拉伯咖啡味蛋糕都好有水準。

餐廳資料:
Bacha Coffee
中環金融街8號國際金融中心商場1樓1063號舖
23011910