食物：$$$$
環境：$$$$
服務：$$$$
朋友約食Lunch，地點係我不太熟悉的新蒲崗，餐廳位置我無乜概念，不過家陣既科技，拿起手機看看谷歌大神地圖，又唔會有咩難度。
原來由我家搭西鐵，從啟德新商場Airside走過去，都幾方便喎～
店子不大，簡約的日系設計，加些少擺設營造出打於位就是。大汗疊細汗，有理無理先來杯凍飲，伯爵水果茶，有少少甜味，加上各式的生果粒，喝起來比想像中清爽。朋友仍然可以飲熱拉鐵，佩服，好在聽講水準都唔錯。
店員推介呢度既烤黃油雞，不過制作時間要25分鐘，如果趕時間既話就唔該揀第二樣，我哋就無所謂喇。賣相與我預期中有些少分別，但佢真係做得幾好味，又香又嫩滑，就算是雞胸位都出色，配合粉嫩的手指薯和磨菇，呢廿五分鐘值得等！
另外要了份法式西多士，呢個反而十分之IGable。麵包軟熟，塗上足量的藍莓醬，酸酸甜甜勁開胃。頂頭就是士多啤梨、香蕉等生果，色彩繽紛，當中的香蕉更是更火炙過，口感更好。芏怪呢個法式西多士，能成為店家的招牌食物之一。兩人胃口都不大，食完呢兩款已經飽了，但朋友話佢係為檸檬撻而來，所以怎樣也要試試。成品係幾靚仔的，撻皮鬆脆，檸檬餡於我而言是恰到好處，不過甜或過酸，的確出色。大致滿意呢度既出品，聽朋友講，店家本身係樓上既烘焙工作室，當年已好受歡迎，點解我一直都唔知道架呢！
香蕉火炙過，加分加分，通常見到呢個做法嘅蕉，我都會叫。
回覆刪除同意呀!
刪除