食物：$$$1/2
環境：$$$$
服務：$$$$
日日大魚大肉既筆者，間中一餐健康的養生餐是很重要，吃完真的會身心舒暢很多。
不諱言，我留給健康食品的配額並不多，所以要更加挑選些高質素的，不單是味道，還要論及賣相。
這天嚐到的白玉美饌，真係又靚又好食，當中的一道萬物生長，直頭靚到唔捨得動手將佢摧殘。
炎炎天氣，先來些涼菜打開胃口。一向很喜歡吃不同顏色的小番茄，艷麗色澤令食慾大增。番茄清甜多汁，沒半點酸，清爽好吃。話梅萵筍細嫩爽脆，明顯是挑選過用最嫩最靚既部份，結合話梅的微微酸甜味道，的確是很好的開胃冷盤。冰鎮百靈菇爽口之餘，亦十分入味，個人認為即使不沾豉油芥末都已經好好吃，配上醬油又是另一番滋味。羅漢果南北杏豬肺湯，豬肺清洗得乾淨，全無異味，喝得非常舒服。翡翠椒麻泡冬筍蒟蒻素菜餃，也真是翠綠得很高貴，外皮咬落唔黏牙，餡料口感唔錯，但有一定辣度，我是喜歡，不過食唔到辣既朋友或者要留意。接著來的福袋，餡料係淮山粒、蒟蒻及蟹肉等，面頭仲鋪了些黑魚子增添矜貴，不錯吃。
重頭戲正是這一道，萬物生長。賣相有如一個小花園。芫豆蓉作基底，露筍、青瓜片、白本菇及食用花等各施其職，吃得是蔬菜本身的清甜，若然覺得太寡的話，也可沾些師傅自家調制的汁醬/番茄醬來伴之。平時吃的牛柳煲，多半是配以薯仔紅蘿蔔之類，但今次師傅就改以鮮淮山、蒟蒻及酸菜來取代，效果都唔差，當然牛柳粒本身都夠軟嫩入味。
再來有雙蝦蒟蒻滙，所謂雙蝦，即是以快炒及天婦羅的兩種方法呈現，口感味道都有雙重驚喜。除了炒/炸香蝦球以外，更釀入了蒟蒻絲，是名符其實的手工菜。星洲炒米食得多，但星洲炒蒟蒻烏冬也真是首次見識，做得味道都星洲米一樣，但就換來更健康的麵條，有趣！甜品有我喜歡的鮮芒果腸粉，同埋幾有特色既蘆葦肆果馬豆糕，在馬豆糕之上加入晶瑩剔透的蘆薈，還可清晰看見如士多啤梨、哈密瓜等的水果，睇見都想食。最後以清潤的無花果馬蹄雪梨作結，健康又滿足的一餐。
呢餐好呀，好食之餘又唔駛擔心乜高物高嘛！
回覆刪除唔使擔心, 水準夠高 😆
刪除