BluHouse - 太喜歡這地方

食物：$$$$
環境：$$$$
服務：$$$$

有幾個朋友，我是堅持每年都為他們慶祝生日的，這位是其中之一。

問她想吃什麼，得到的回覆總會是無乜所謂，簡簡單單就好。

近幾次同佢食飯都食中餐，去年她生日亦然，那麼今年就換一換口味，吃意大利菜吧！

曾經一位難求的Bluhouse，假期前夕坐九成滿，在今時今日的市道來說，是跑羸大市了。

甫坐低，店員便奉來麵包籃，外皮硬轟轟的酸種麵包從來不是我的首選，但沾來油醋，還是可以。

大家都唔食大胃口，沒點太多東西，Carbonara是這裡的招牌，又是我的至愛，幾歹自肥一番。

是沒加忌廉的傳統版本，粗身直通粉煙韌有咬口，沾上蛋黃汁，同埋芝士，加埋香口既Guanciale，無得輸。

呢度既Pizza，唔一定要叫全個，可以來細份 (四件)，實在太好。薄餅款式唔算少，當然你唔會係度搵到菠蘿披薩，而我們都係還原基本步，要最經典的Margherita 。

吃 Pizza從不要追求配料多，簡簡單單的番茄醬、芝士，以及羅勒，反樸歸真的一道，才是最對口味。

生日當然要有點甜。走出餅櫃好容易會選擇困難症發作，款款都想食，但正如她所講，其實點指兵兵都得，因為肯定件件都會好味。

挑來了 Chocolate Deliziosa，同埋Zeppola，店方亦好醒目咁按我訂位時的要求加上腊燭及生日牌 (好多餐廳明明訂位時講好晒都係唔會跟你要求做的)。兩件都是充滿傳統意大利口味的出品，不錯吃。

呷口咖啡，風花說月，我倆總有說不完的話題，又是要傾到人家打烊才肯離開。

餐廳資料:
BluHouse
尖沙咀梳士巴利道18號香港瑰麗酒店地舖
38918732