德昌里 - 一腳踢的有心小店

食物：$$$$
環境：$$$1/2
服務：$$$$

在朋友的IG看見了這間只主理人一腳踢的隱世小店，好有興趣。由於地方實在細，最適宜獨自去探索。

週日來到，有一個客在等外賣咖啡，之後我好快便可以包場，算是來得合時吧！

小小的空間，牆上的直幡成為了焦點，大概都是提醒我們要平心靜氣，我幾喜歡的。

這類店子，收費自然不能太進取，午餐五十蚊起跳，我就選了比較貴價的火炙煙燻鴨肉湯烏冬，連基本咖啡，盛惠五十八個大洋。

落單後，我繼續不以為然地篤電話，開放式廚房慢慢傳出陣陣香氣，原來店主正在以火槍來火炙鴨胸，又幾有心思。

十來分鐘後，店主把烏冬端過來。一看那碗稻庭烏冬，有木羽、海苔及粟米粒在內，蠻有日本出品的神髓。烏冬口感略帶煙韌，鴨胸夠香口，最驚喜是那薄薄的玉子卷，香甜可口。水準未算頂班，但誠意十足，咁既價錢食到呢個質素既烏冬，無咩好投訴。

加左錢轉杯拿鐵，都做到拉花效果，味道亦不比城間的 Cafe遜色。

雖然一腳踢好似幾辛苦，不過見店主邊聽著音樂，邊沖製咖啡，一副悠然自得的樣子。

如果經開，可能我會再來飲杯咖啡，試下呢度既蛋糕。

餐廳資料:

德昌里
油麻地德昌里1-9號德喜大廈地下4及6號舖
55884330