2023年2月7日 星期二

Le Soleil - 屹立多年的酒店級越南菜



食物:$$$1/2
環境:$$$1/2
服務:$$$1/2 

越南菜俾人既印象大概就是比較地,牛肉河、春卷、越式法包等等,總之難登大雅之堂,因此本地高級越南菜餐廳寥寥無幾。

帝苑酒店既越南菜餐廳係其中之一,以我既認知,佢亦都係全港唯一的酒店級越南菜。

睇番紀錄,我對上一次幫襯已經係十三年前既事,最近亦都好少聽人提及呢度,到底家陣水準如何,我毫無頭緒。

濶別十數年,環境好似無變過。

先整杯嘢飲,天寒地凍,飲杯熱荔枝桂圓茶最合適不過,清潤舒服。

法式脆皮豬,係光皮,皮是脆卜卜,肉質嫩滑咸香,好食既。反而蔥油同個豬唔係好夾,我寧願淨食。

接著來的香芒鱈魚,魚皮做到香脆,鱈魚的肉自然嫩滑,是預期中的出品。所指既香芒,其實係香芒醬,不過我又係覺得醬汁同主角唔襯。

煲仔飯係特別為過年之設的,冷冰冰既天氣吃煲仔飯一定錯不了。材料有蝦,有西班牙腊腸,雞等等,味道倒是不錯,但就少了一樣好重要既嘢,就係無飯焦。需知道香港人好大程度係為左飯焦而食煲仔飯。

甜品要客火焰雪山大家開心些牙。店員奉來『雪山』後,隨之玩火,影相拍片要把握時間。呢度個出品既賣相算唔上好靚仔,其實都不太重要,好吃就是。可惜佢就輸左係個蛋糕之上,真心麻麻地。講到火焰雪山,還是Hugo's做得好。

朋友見到我IG之後,推介了另一間越南菜俾我,搵日一定要去試試。


餐廳資料:
Le Soleil
尖沙咀麼地道69號帝苑酒店3樓
27332033

沒有留言:

張貼留言