食物：$$$$
環境：$$$$
服務：$$$$
帝京酒店，是筆者最常光顧的酒店之一，無計地點實在太方便，約邊區既朋友都無藉口Say
No。
然而，十之八九都是去吃自助餐或者帝京軒，已經開左成年既日本餐廳香田，筆者只嚐過一次，我也說不出為什麼。
在食友IG見到香田做緊優惠，有套餐買一送一，抵到無朋友，心動不如行動，翌日就飛撲過去。
呢個套餐，仲可以優惠加來多份刺身，何樂而不為?
刺身係人見人愛既大拖羅，與及星鰻苗。後者晶瑩剔透，質感Q彈，配些少紫蘇花來吃我覺得好合襯。大拖羅熟成十四日，係睇見會流口水既貨色，入口溶化理所當然。
吃罷刺身，套餐的前菜也隨之而來。海老高野豆腐質感猶如小時吃的魚肉腸，柔煮北海道章魚軟腍唔韌，番茄來自福崗，肯定清甜，師傅仲加左梅酒啫喱來伴，兩者出乎意料地夾，完全打開胃口。
接著來又係刺身，但就是套餐之內的刺身。深池的爽身從來討好，帆立貝的鮮甜也教人陶醉。
另一邊廂的生蠔，是大家熟悉的令和之怪物。大隻、爽身是其特點，吃罷會相當滿足。
剛才的海老高野豆腐似魚肉腸，接住嚟既魔鬼魚面頰肉跟日本青椒就有如煎釀三寶，不過就是加強版，唔知要幾多條魔鬼魚既面珠墩先至出到呢三粒炸魚蛋?
香脆而肉質扎實，味道鮮甜，好得！
帆立貝雲丹燒，香氣撲鼻，很濃郁。
以赤味噌來烹調黑豚，味濃而不過咸，豚肉肥瘦有致，咬落帶爽口，不俗！
兩款燒物之後，以清清地但不失鮮味既北海道松葉蟹肉豆腐去平衡下，可見師傅在製作餐單時有細心考量。
呢個套餐當然有和牛在陣，是A4的鹿兒島薩摩牛。不過我再貪心啲，升級要左4%奇蹟之薩摩牛，滿足度更上一層樓。
臨尾的茶美豚赤味噌湯，與之前的燒物互相呼應。
甜品的日本雪糕好吃，但其實重點在於背後嗰枝川中醬油，滴幾滴配雲尼拿雪糕，甜中帶咸的味道，太有驚喜。
食日本野，最喜歡嘅就係刺身壽司，沒有之一，哈哈！
回覆刪除收到, 哈哈!
刪除