食物：$$$1/2
環境：$$$$
服務：$$$1/2
一月頭食既一餐，依家先出文，都唔係好過份啫，哈哈~
是日辦完私事，臨時臨急搵地方醫肚，總之邊度有位就食乜，無得再揀擇，結果去到Isola。
餐廳搬左過嚟呢個舖位之後我都沒有來過
(舊舖位都係IFC)，一層過，地方好鬼大，所以基本上任何時候進去，都可以直行直入。
中午半自助餐形式，外面既頭盤都係啲Cold
Cut、煙三文魚、菇類同埋沙律菜等等喇。大路貨色，講唔上差，卻無乜驚喜。
凍海鮮有海蝦、青口和翡翠螺，或許是我來得太遲，陣容比較零碎，毫不吸引，沒衝動拿來吃。
主食有六款，有些要加錢，Gnocchetti就不用。這款比較有咬口的意大利麵，配意大利腸和磨菇片等，味道只能說是不過不失，相比之下我會更愛吃Gnocchi
或者Chitarra，至少口感會好一些。
慢煮牛面頰反而幾有驚喜，雖然有人說慢煮是走捷徑搵人笨的做法，但無可否認，慢煮出來的肉類都有夠軟腍，包括呢份牛面頰，結合濃郁的紅酒汁來吃，是討好的。墊底的薯蓉，不是像Robuchon般神級，起碼也算細滑。呢份主菜，無咩投訴。
甜品都係在Buffet枱任取，但款式寡寡無幾，提拉米蘇大概是最穩陣的一款。
再食幾件生果，可以收手。
施施然嘆埋杯Earl
Grey，回家午睡一覺，多麼奢侈的享受！
點會呢，我仲寫緊聖誕假期嘅事，哈哈！
回覆刪除XDD
刪除