食物：$$$1/2
環境：$$$$
服務：$$$$
走進戲曲中心，有一間好岩Feel既食肆，叫做遊園。
趁疫情緩和，一於搵齊人腳，在牡丹亭下，來一場中式盛宴。
遲了些到來，大家已點好餐
(再加埋預訂了的菜式)。甫坐低，一大盅的姬松茸水鴨湯送來，時間剛剛好。
又水鴨，又鮮雞，又雞腳等等，淨係睇湯料都知道肯定精彩，再加上撲鼻而來之香氣，急不及待來一碗。呷一口，的確係甜到無朋友。
席上有菠蘿控，所以小吃也點上了焦糖菠蘿黑毛豬叉燒。用上黑毛豬來做叉燒，水準大概可以預期，結合酸酸甜甜的焦糖菠蘿，令成件事更上層樓。
大家都係辣友，所以當晚亦選來了不少辣菜式，包括小食既呢款口水牛面頰。用上了澳洲和牛，很軟腍，口水汁並不限於配雞肉，跟和牛亦很合拍。
邊個話我傻，嚟呢度梗係要食燒鵝，皮脆肉嫩，不比燒鵝名店遜色。
酸菜魚好大份，有別於坊間多半用的桂魚，這裡選取了龍躉作主角。皮爽而口感彈牙的龍躉肉，浸在酸辣度恰好的酸湯內，唔差的。朋友更起勢咁搶食底下的薯粉。
好耐無食辣子龍蝦了，辣度剛強，來得直截了當。龍蝦肉保持嫩口，夠辣之餘，亦沒有蓋過了龍蝦的鮮味，我也忍唔住口多吃兩件。
黃鳝煲仔飯上枱，又是陣陣的香氣。黃鱔已拆骨，爽脆又帶點煙韌的質感，結合紅棗、冬菇及陳皮等，自然好吃。唔使問，個米飯都係爽身好味的。
忘了多久沒喝過嗓寄生蓮子蛋茶，見呢度有供應，想也不想便要來了。
後生仔女可能未必識喜歡，但有番咁上下年紀既筆者，就很欣賞這這獨特的味道，吞埋隻蛋，飽到幾乎獲利回吐。
餐廳資料:
遊園
最想食係鱔呀😋
回覆刪除估到你
刪除菠蘿控是我嗎haha~
回覆刪除自己對號入座
刪除