2022年2月10日 星期四

Whyso - 午餐比較可取



食物:$$$1/2
環境:$$$1/2
服務:$$$$ 

本想去冠華嘆杯奶茶,不過發現對面開了間新Cafe,好奇走過去望望。

十一點半左近,仍有早餐供應,午餐亦已ready,大概是最佳時間。

探熱、嘟安心、搓手,這兩年已經成為了進入食肆的基本動作,呢度都有酒精搓手液俾大家。

在櫃枱落完柯打,隨便找個位置坐低,不消一會,嘢食就準備妥當。

午餐主要供應漢堡,即管試試澳洲和牛芝士漢堡,套餐會包沙律或者薯條,我的選擇當然是後者。

吃得出牛肉是好貨色,配埋芝士根本穩陣。可惜火侯控制有待改進,有點點乾,浪費了好物。新鮮炸起、熱得燙咀巴的薯條,總是漢堡包的好朋友。

相比起Burger,早餐明顯較削。炒蛋雖然嫩滑,但只跟多塊細細的豬柳扒及焙餅,唔夠能量俾我撐半天。可能要吃全日早餐才搞得掂。

始終進去就不是很Cafe的格局,無乜信心會飲到杯靚Latte,所以沒加錢轉特色咖啡,只來杯普通的凍啡好了。

正常水準吧!


餐廳資料:
Whyso
荃灣大涌道18號國際企業中心三期地下2號舖
93008283



4 則留言: