Thaiology - 等待

食物：$$$1/2
環境：$$$$
服務：$$$$ 

旺角瓊華中心，我一直覺得係年輕人的吃喝之地，筆者甚少幫襯樓上的食肆，趁是日經過無乜人等𨋢上樓搵食，就去見識下。

眾多餐廳之中，來到了Thaiology，一間值得支持的店子。

或許新開業無耐，未有太多人知道，即使是中午的繁忙時間，只是小貓三幾隻。

幾十蚊的Lunch Set，家陣可算是茶記價錢，平日我多半會吃海南雞，不過這天忽然好想食撈檬。

賣相比預期中好，魚餅口感唔錯，微辣又滿有蔥香。我喜歡下大量魚露去撈檬粉，清爽開胃，三扒兩撥可將之清掉。

加錢要份小吃，串燒是也。揀了雞肉，肉質正常，沙嗲醬不辣，而是以花生醬為主導，還混入了些花生碎以豐富口感。

心思思想吃點甜，但芒果糯米飯是吃不下了，見餐牌有榴槤麻糬，依家雖然唔係榴槤既好時節，都點一份吧！

的確，榴槤香氣不強，味道偏道，不過煙煙韌韌既口感，都唔太差既。

奶茶是泰式，甜到漏的那種。

家陣晚市無得堂食，店子索性全面暫停營業，待有晚市才重開......

岩岩先又話再收緊，唔知等到何年何月。

餐廳資料:
Thaiology
旺角彌敦道628號瓊華中心16樓
31089191