Juicy - 韓國人氣果汁店

食物：$$$$
環境：$$$1/2
服務：$$$$ 

下午五點幾，人在鰂魚涌，想坐低舒舒服服食餐安樂茶飯，難矣。

有些餓，若然買埋外賣返到屋企，大大話話要兩粒鐘，肚子肯定會投訴。

附近好像又無乜小食店可『掃街』，唔通要買個飯盒，企係條街度開餐?

好彩，韓國人氣果汁店Juicy近在咫尺，來整杯果汁，吃些小食，搞掂～

最緊要先來個Combo醫肚，有雞柳、一口雞、洋蔥圈，以及薯條。從來喜歡吃洋蔥圈，而雞柳與一口雞之間，我對後者較有好感，外鬆脆內鮮嫩，本已好吃，再醮上蜜糖芥末醬，滋味更上一層樓。

飲品當然要揀招牌的，芒果乳酪有直豎拇指的標示，就不作他選。其實，呢個組合，肯定穩陣，醒胃好喝，一大杯我竟可以秒速清零，質素可想而知。

本月有特別優惠，第二杯飲品半價。朋友的一杯牛油果香蕉奶昔，用上了半隻牛油果，加埋份量十足的香蕉，健康得嚟來夠飽肚，適合減肥的女士當正餐。

店子新開業，大玩Gimmick嘢，每週設店長推介特飲，因應當天手路到的優質矜貴水果做材料，如客人能猜出當中的食材，更可獲八折。

係呀，家陣大家都要搞盡腦汁，各出奇謀~

餐廳資料:
Juicy
鰂魚涌海灣街4-6號嘉榮大廈地舖
23860109