阿荔車仔麵 - 新派

食物：$$$1/2
環境：$$$$
服務：$$$1/2 

讀書時代，慳錢時會食車仔麵，配料都是豬皮蘿蔔等平價嘢。

今時唔同往日，家陣既車仔麵愈見高檔，裝修時尚之餘，鮑魚花膠等矜貴食材比比皆是，動軏過百蚊落樓。

荃灣新開既車仔麵店阿荔，又會是怎樣的呢?

新派裝潢，牆上一句：一生只想尋覓一個肯陪你食車仔麵的人。

好似...... 誇左少少卦??!

疫情嚴峻，獨立包裝的餐具，感覺上是比較衛生，吃得更安心。

油麵沒什麼好說，要左三個餸，分別係豬腸、酸齋，以及日本溏心蛋。

用上日本蛋，蛋香自然足，但火候控制可以更精準一點。酸齋的甜酸度平衡正常，至少不是失衡，只是重口味的我覺得，酸與甜可以去得更盡。

豬腸是中芯保留了肥脂的好東西，有點嚼勁卻又唔會韌得咬唔開，味也甘香。

佢有冷泡茶供應，不過我始終覺得，吃車仔麵是應該配可樂的。

一時忘記了要人人都讚的沙嗲汁，我諗... 有下次既～

五十幾蚊埋單，是今天吃車仔麵的正常價錢。

餐廳資料:
阿荔車仔麵
荃灣大壩街41號地下6號舖
26606999