2022年2月4日 星期五

忠孝東路 - 貪佢人少少



食物:$$$1/2
環境:$$$1/2
服務:$$$1/2 

尖沙咀I Square,毫無疑問屬黃金地段,商場裝修又唔差,卻被選為香港十大死場之一。

有人歸究個場面積太細,又很得太高,轉到頭暈;亦有人說其風水差勁。總言之,即使在中午食晏的繁忙時間,走入任何一間食肆,都可以直行直入,完全唔需要等位。

忠孝東路是位處低層,相對比較旺的食店,不過同樣幾時去都有位,所以最憎排隊既我,有時都會去食午餐。

午餐會跟一份小食,麻辣豆腐,看其紅油色水,好似唔嘢少,但吃起來又唔會刺激到噴火,辣味只停流於表面,辣友或者會失望。

魯肉飯勝在入味,連同酸菜好開胃,可以三扒兩撥將之動態清零。頂頭的半隻溏心蛋,火候控制唔錯,還有濃郁鹵味,吃得過。當然,不要天真得跟台灣的出品去比較。

牛肉麵既湯底不是頂級,卻至少是濃厚,細麵爽身不過腍,用上的是牛展,大件厚身但唔會硬轟轟,無乜需要投訴。

要杯台式奶茶,店員問使唔使加珍珠,其實我想講,我最鬼憎啲珍珠。

然而,我只是禮貌地回應:不用了,謝謝~


餐廳資料:
忠孝東路
尖沙咀彌敦道63號iSQUARE國際廣場3樓306號舖
28733288

4 則留言: