2022年2月3日 星期四

圍威喂 - 半個飯堂



食物:$$$$
環境:$$$$
服務:$$$$

喜歡星馬菜既筆者,圍威喂成為我近期的半個食堂。

多半是平日去吃午餐,幾十蚊連飲品,有時仲便宜過茶記冰室。

中午當然是吃碟頭嘢或者麵類為主,炒粿條是典型的星馬美食,炒至條條分明的出品,又足料,蝦比當地的來得大隻和爽口,以香港的水準而言,合格有餘,如果可以再有鑊氣啲,必更合心。

相比起炒粿條,本人更欣賞這兒的福建炒麵,或許是我自己中意食細麵而已。嚐過幾次,麵條總是爽身又香口,沾些辣醬吃,滋味可口。佢仲會跟上炸魚皮,脆 卜卜的,脆口的東西總是對我胃口。

鹵水豬手飯其實都唔失禮,皮厚膠質重,而且入味,不其然想起泰國街頭的大大隻鹵豬手。

呢度既肉骨茶,走馬來西亞路線,深不見底的湯色,醇厚帶點藥材香。一字骨也有好幾件,鬆化易離骨,索味的冬菇及豆卜等,自然不會錯過。

船麵的湯頭濃郁,加埋牛丸及牛肉片等,蠻有泰式風情。

加三蚊,就有檸茶檸水或奶茶,不過是港式的。唔介意俾多少少既,佢杯是諗但泰式奶茶都幾有風味。

我會再來的,看日後會否有緣遇上大家。


餐廳資料:
圍威喂
荃灣大壩街4-30號荃灣廣場4樓432號舖
23501128


6 則留言: