醉藥雞 - 衝出深水埗

食物：$$$1/2
環境：$$$$
服務：$$$$ 

很高興，醉藥雞終於衝出深水埗，在另一個我熟悉的地區，荃灣路得圍開設分店。

週日經過，剛巧是店子正式開業的大日子 (之前試業)，又拜神又剪綵咁，我都係唔好阻住人家做儀式，反正咁近我，大把機會再來。

結果，我去了附近的茶記，食碟頭飯，飲凍鴦。

過幾日，提埋老豆來食午餐。醉豬手刀削麵，豬手與麵條是分開上，做到基本要求。

豬手皮豐厚爽口，微微酒香吃起來清新，少許蟲草花及杞子作點綴，感覺更好。刀削麵的藥膳湯底，喝得舒服而沒有太過強的藥材氣息，倒是不錯。如你不是藥膳湯底的支持者，也可選擇雞湯。反而刀削麵的質感就沒想像中煙韌。

砂窩雲吞雞，熱辣辣的奉上，正好在這寒寒地的天氣下享用。不再長氣重複刀削麵之水準，兩粒小雲吞交到功課，老套一句，雞有雞味，皮又爽口，若能嫩滑一點更精彩。

加十蚊，可有一隻溏心醉蛋。真真正正做到溏心效果，蛋味濃郁，或許是浸了好一陣子才品嚐，酒店亦突出，卻沒半點苦澀味，呢十個大洋，絕對需要花。

水準不遜於深水埗，絕不弱雞，我又多個開餐地方了。

好想試埋佢個醉鵝肝~

餐廳資料:
醉藥雞
荃灣路德圍8號啟志樓地舖
27397998