想甜嚐甜 - 臨別前

食物：$$$1/2
環境：$$$$
服務：$$$$ 

又有朋友離港在即，齊齊食完晚飯後，誓要再甜品下場，讓他們最後享受一下香港的活色生香。

上網搜尋附近甜品/糖水店，找到了幾家值得支持的店子，主角最終挑了這裡。

孤漏寡聞既我係首次聽聞這所店，原來佢係大角咀都有分店，失敬晒~

選擇蠻多的，西式甜品，中式糖水，應有盡有，出品也明顯花過心思。譬如說朋友點的這個海鹽焦糖爆谷法式燉蛋，特別之餘，又用上美美的器皿，影相打卡一流。這份燉蛋本身是偏甜，再加埋焦糖，是為甜魔而設，結合埋鬆脆之爆谷，邪惡到極致。

相比之下，伯爵茶法式燉蛋就沒那麼甜，換來是點點清香。喜歡佢跟上乳酪雪糕，感覺更清新。

蘋果金寶制作需時，新鮮出爐的成品，香甜鬆脆，配埋乳酪雪糕，值得等，值得等！

芝麻糊湯丸，器皿令成件事顯得高貴。湯丸可選芝麻或花生，揀左後者，水準可以的。但正如朋友所講，今時今日已找不到香濃可口的芝麻糊了，包括呢度。

生意似乎很好，堂食客多不特止，外賣單也連綿不絕。

所以，要適時讓番個位出來，咪阻住地球轉。

餐廳資料:
想甜嚐甜
西環堅尼地城士美菲路15號地下
59160698