2021年12月24日 星期五

Artisan Lounge - 不一定是吃下午茶



食物:$$$$
環境:$$$$
服務:$$$$ 

K11 Musea地下的Artisan Lounge,觀其環境格局,完全是個嘆下午茶的地方。

或許如此,這裡晚上客人比較少。選擇困難症發作,在商場兜左個圈都唔知食乜,反正未試過呢度,就同好友來吃一頓晚餐吧~

果然是吃下午茶的要塞,竟然有All Day Afternoon Tea,恕筆者孤漏寡聞,All Day Breakfast我就知,全日下午茶也真的聞所未聞。

晚上嚐太多甜點,實在吃不消,商議過後,決定散叫。

柯打完食物,店員隨之送上餐包,熱暖軟熟的蕃茄包,沾上油醋吃,好味道。

諗住叫份沙律,加客焗豬,唔夠食再要蛋糕或甜品。然而當沙律上桌,我倆知道甜品是可以略過的了。

超大的一個奶油萵苣,賣相像花般美,再配合紅黃椒、色彩繽紛的車厘茄、牛油果,以及食用花等,我從未見過咁靚既沙律。菜蔬非常之新鮮甜美,Dressing也不是一般貨色,酸中滲出微甜,醒胃可口,好睇又好食。

煎蛋焗豬扒飯之上,刨了好幾片黑松露,自然升價。剛端上桌時,松露的香氣撲鼻而來,好吸引。飯底唔會過濕,豬扒鬆化調味好,汁醬醒胃又不會假,配埋燶邊煎蛋,很滿意。廚子還伴上清甜多汁的串茄作伴邊,成件事好完美,果然是招牌菜色。

女士喝西柚汁,我就要壺Tropical Organic Tea,有助消滯。

沒有猜錯,真的是甜品也吃不下。


餐廳資料:
Artisan Lounge
尖沙咀梳士巴利道18號Victoria Dockside K11 Musea 地下008-008A號舖
26013428


2 則留言: