不要對我尖叫，日常茶間 - 飲品與窩夫

食物：$$$$
環境：$$$$
服務：$$$$ 

並不常幫襯街頭的飲品店，一來我覺得無乜邊間茶飲特別吸引，戴上口罩更加減低我在街上飲嘢既意慾。

然而，某天跟朋友經過旺角的不要對我尖叫，我卻心思思想整番杯，皆因太多食友讚過，所以我點都要試一次。

印象中，這所品牌在短短的時間內，已經開到第五間分店，旺角既呢間店，正是最新的一間，但就不像大角咀店，這兒是沒有堂食的。

不打緊，都只志在飲杯嘢，食件窩夫，企係度食也沒有問題。

最欣賞外賣店Counter位下面的牆身，是出自插畫師阿宅的手筆，眼見除了這所店的飲品及店舖特色外，更加上了旺角的地區特色，譬如說是魚蛋檔、金魚街等等，全人手畫，獨一無二。

剛食過午飯，最好就係叫杯嘢飲，一份窩夫兩份食就夠了。

佢既窩夫原來都幾特別，咸甜都有，日式大版燒、韓式泡菜等口味岩晒後生仔女，而我呢個大叔，就揀選左焦糖海鹽口味。

外表似提拉米蘇，起初還以為來錯了，但其實無有錯。煙韌的口感，加上咸咸甜甜的味道，個人是喜歡的，不是呃Like的貨色。

嘢飲方面，朋友點的桃膠雪梨菊花，據聞幾清潤，岩晒呢個時節。筆者的檸檬咖啡氣泡飲，感覺清新，我又幾中意喎！

朋友們的確無老點我，呢間飲品店，飲得過~

餐廳資料:
不要對我尖叫，日常茶間
旺角彌敦道688號旺角中心1期地下G16A-C號舖