花火和食 - 為芝士明太子燒餅而來

食物：$$$1/2
環境：$$$$
服務：$$$$ 

近排喜歡在Soda Mall開餐，貪佢遠遠地，能避開同事，有十來廿分鐘的Me Time，自得其樂。

商場內有幾家食肆，我當然試勻了，要數水準最穩定的，大概就是這間花火和食。

賣港式日本餐，在開飯網有百七個笑臉，沒有喊面，雖然說不可盡信，但都總算是頗輝煌的成績。

是日來，吃碗醬油拉麵。港式做法，不一定跟上叉燒，就如我這次，揀配日式大餃子。

肯定不會要求吃到正宗的味道，這個港式湯底味道正常，麵條沒有陣陣鹼水味，收貨了。餃子沒有分開上，是要挑剔的地方，還好拉麵師會將煎香了的底部反起朝天，不致嚴重影響口感。溏心蛋也做到港人至愛的效果。

我最欣賞的，絕對係芝士明太子燒餅，即叫即製，熱得燙口，咸香的明太子，與溶化了的芝士渾然天成，邪惡卻極美味，是必吃項目。

可樂唔係必須，可以要枝無糖烏龍茶，但一定要夠凍。

大佬，家陣真係熱到中暑呀~

餐廳資料:
花火和食
紅磡崇安街23號環海東岸商場1樓17號舖
28082880