2021年9月9日 星期四

泓一拉麵 - 雞白湯



食物:$$$$
環境:$$$
服務:$$$$ 

要說紅磡最出色的拉麵店,我會投泓一一票。

嚐過第一次以後,間唔使就想來回味下,只是從不愛排隊既筆者,每次都會被門口的人龍嚇怕,而大打退堂鼓。

店子其實很小,十個座位都唔夠,大家背貼背咁坐,又有幾分似日本的拉麵店。

主打雞白湯拉麵,據聞奶白色的湯頭,以及兩款既,麵條,均是自家製作,絕不欺場,至少加了印象分。

早已鐵定要吃招牌雞白湯拉麵,不作他選。先呷啖湯,鮮香而順滑,很合心,可以一舉而盡。

慢煮叉燒呈粉紅色,由於很薄身,入口自會嫩滑,與雞肉叮噹馬頭。玉子俾足全隻,夠慷慨,除了做到溏心效果,味道亦十分濃郁,用料上乘。再說自家製的麵條,看得到有點點小麥粒,是好東西,惟稍嫌未夠爽口,但整體而言,已頗高分數。

老是常出現的餃子,今次是煎的版本,一客五隻,個子比較小,適合有如貓兒胃既筆者。底部煎香,已沒有投訴。

見到門口排晒隊,都唔好意思阻住個地球轉,快趣飲完罐可樂,埋單走人。

要讚的是,小店的親切。


餐廳資料:
泓一拉麵
紅磡德民街29號德民大廈地下F4號舖




2 則留言:

  1. 個雞白湯底幾吸引喎!小聲說,我未試過食拉麵見到碗底架。

    回覆刪除