2021年8月12日 星期四

Chalet - 相逢恨晚



食物:$$$$
環境:$$$$
服務:$$$$ 

假日,好多人外出,尤其是拿消費劵的首日,剛巧是星期天。

六點鬆啲既愉景新城,間間餐廳都爆滿,唯有出番商場外邊搵食,對面的幾間酒吧餐廳,睇下有無位?

最終在Chalet坐低。坦白說,做左荃灣街坊咁多年,晚晚搭車經過,卻從來沒有衝動進來一嚐,或許是我對酒吧餐廳,有點偏見。

沒選套餐,只柯打了三款東西,大家分吃。率先送來的香煎帶子海膽意粉,賣相出乎意料之外的精緻。帶子體型不算大,但火侯控制得好,外層煎香而中芯保持彈牙口感。大大粒的三文魚籽,咬下去是爆汁的鮮美,與濃郁之海膽醬意粉渾然天成,蠻有水準。

接著的麵包蟹意大利飯,有兩隻麵包蟹鉗及芝士脆片作點綴,同樣吸引。吃意大利飯最重要是口感,太腍就像吃糊仔,這出品大概是我喜歡的,更好是混入了蟹肉,豐富了層次。一大片三角的芝士脆片,芝味濃郁,好邪惡。

頭兩款都好吃,不其然對紅蝦意粉多一份期待,還好出品沒有令我失望。意粉雖不是手造,卻保留一定嚼勁,而且紅蝦肉也放得很夠慷慨,整件事很美味豐盛,以柚子打成的泡沫也正好來個平衡,硬要挑剔的話就是稍稍咸了些少,配酒的話就應該合適。

在酒吧餐廳飲咖啡會很冒險,若不喝酒精類飲品,果汁應該係較穩陣既選擇。

估唔到呢間屹立在荃灣多年的酒吧餐廳咁高水平,有種相逢恨晚的感覺。

下次來,試埋甜品。


餐廳資料:
Chalet
荃灣青山公路407-411號金荃大廈地下B鋪
37052125


4 則留言: